రెండు-మూడేళ్లలో భారత్‌కు రానున్న బ్రిటన్ 'మినీ' కార్లు

అయితే, దేశీయ ఆటోమొబైల్ మార్కెట్ శరవేగంగా ఎదుగుతుంటంతో ఇక్కడి అవకాశాలను అందుకునేందుకు గానూ ముందుగా అనుకున్న దానికంటే త్వరగానే తన ఉత్పత్తులను భారతీయ వినియోగదారులకు పరిచయం చేయాలని తహతహలాడుతోంది.

బిఎమ్‌డబ్ల్యూ అధ్యక్షుడు ఆండ్రియాస్ స్కాఫ్ మాట్లాడుతూ.. "భారత్‌లో మినీ ఉత్పత్తులను విడుదల చేయడానికి నిర్ణయించాం. ఇది సానుకూల నిర్ణయం, మరో 2-3 ఏళ్లలో ఈ బ్రాండ్ భారత్‌లో ఉంటుంద"ని అన్నారు.

అయితే, భారత మార్కెట్లో వీటి ధరలు మాత్రం సామాన్యులకు అందుబాటులో ఉండే అవకాశాలు ఏ కోశాన కనబడటం లేదు. అసలే బ్రిటీష్ కార్లు, అందునా బిఎమ్‌డబ్ల్యూ బ్రాండ్, ఇక ఈ కార్ల ధరలు ఏ రేంజ్‌లో ఉంటాయో మనమే అర్థం చేసుకోవచ్చు.

ఈ విషయంపై స్కాఫ్ స్పందిస్తూ.. ఇవి ప్రీమియం చిన్న కార్లని, కొంచెం అధిక ధర కలిగి ఉంటాయని అన్నారు. ఆటో విశ్లేషకుల అభిప్రాయం ప్రకారం, ఈ మినీ కారు డిజైన్ చూడటానికి ఇంచుమించు మన మారుతి సుజుకి స్విఫ్ట్ హ్యాచ్‌బ్యాక్‌లా ఉంటుందని, డ్రైవింగ్, పెర్ఫామెన్స్ కూడా అలానే ఉండే అవకాశం ఉందని చెబుతున్నారు.