మిత్సుబిషి మోంటెరో: పవర్ ప్లస్ లగ్జరీ ఎస్‌యూవీ

మోంటెరో ఎస్‌యూవీలో ఏడుగురు ప్రయాణీకులు (డ్రైవర్‌తో కలిపి) హాయిగా ప్రయాణించవచ్చు. తరచూ దూర ప్రయాణాలు చేసేవారు ఈ ఎస్‌యూవీని ఎంచుకోవచ్చు. ఇది అత్యంత శక్తివంతమైన 3200 సీసీ, డిఓహెచ్‌సి 16-వాల్వ్, 4-సిలిండర్, ఇంటర్‌కూల్డ్ టర్బోచార్జర్ డీజిల్ ఇంజన్‌ను ఉపయోగించారు. ఇది 202 హార్స్‌పవర్‌ల శక్తిని, 441 న్యూటన్ మీటర్ల టార్క్‌ను ఉత్పత్తి చేస్తుంది.

మిత్సుబిషి మోంటెరోలో స్పోర్ట్స్ మోడ్‌తో కూడిన 5-స్పీడ్ ఆటోమేటిక్ ట్రాన్సిమిషన్ సిస్టమ్‌ ఉంటుంది. ఆరు ఎయిర్‌ బ్యాగ్‌లు, ఈబిడి (ఎలక్ట్రానిక్ బ్రేక్-ఫోర్స్ డిస్ట్రిబ్యూషన్)తో కూడిన ఎబిఎస్ (యాంటీ-లాక్ బ్రేకింగ్ సిస్టమ్) వంటి భద్రతా ఫీచర్లు కూడా ఉన్నాయి. ఇది సూపర్ సెలక్ట్ 4-వీల్ డ్రైవ్ ఆప్షన్‌తో లభిస్తుంది. అంతేకాకుండా.. 12 స్పీకర్లతో కూడిన 5.1 ఛానెల్ థియేటర్ సరౌండ్ సౌండ్ రాక్‌ఫోర్డ్ ఫోస్‌గేట్ ఆడియో సిస్టమ్‌తో లభిస్తుంది.

అల్లాయ్ వీల్స్ (17")తో లభించే మిత్సుబిషి మోంటెరో ఎస్‌యూవీ గంటకు గరిష్టంగా 174 కిలోమీటర్ల వేగంతో ప్రయాణిస్తుంది. రాష్ట మార్కెట్లో దీని ధర రూ.41,22,000 (ఎక్స్-షోరూమ్, విజయవాడ)గా ఉంది.