ఆగస్టు 17న భారత్‌కు రానున్న ఫోక్స్‌వ్యాగన్ జెట్టా

Published: Friday, June 17, 2011, 12:24 [IST]

ఫోక్స్‌వ్యాగన్ జెట్టా కారు కోసం ఎప్పటి నుండో వేచి చూస్తున్న కార్ ప్రియుల నిరీక్షణ త్వరలో ఫలించనుంది. భారత మార్కెట్లో తమ 'జెట్టా' సెడాన్ కారును ఈ ఆగస్టు నెలలో ప్రవేశపెట్టేందుకు ఫోక్స్‌వ్యాగన్ సిద్ధంగా ఉంది. మార్కెట్ వర్గాల సమాచారం ప్రకారం.. ఈ ఏడాది ఆగస్టు 17న ఫోక్స్‌వ్యాగన్ జెట్టా భారత రోడ్లపైకి రానుంది. 2010లో గ్లోబల్ మార్కెట్లలో జెట్టా విడుదలైంది. భారత్‌లో జెట్టా సెడాన్ కారును సికెడి (కంప్లీట్లీ నాక్‌డ్ డౌన్) యూనిట్లుగా దిగుమతి చేసుకొని ఔరంగాబాద్‌లో ఫోక్స్‌వ్యాగన్ ప్లాంటులో అసెంబ్లింగ్ చేయనుంది.

సరికొత్త లుక్, పొడవైన టెయిల్ ల్యాంప్స్, ఎల్‌-ఆకారంలో ఉండే స్పాట్‌లైట్స్ వంటి ఎన్నో ఆకర్షనీయమైన ఫీచర్లు ఈ కారు సొంతం. జెట్టా కారు ముందు భాగం ఫోక్స్‌వ్యాగన్ ఇతర మోడళ్ల మాదిరిగానే ఉంటూనే వెనుక భాగం మాత్రం ఆడి ఏ4 సెలూన్ కారును తలపిస్తుంది. 2-లీటర్ కామన్ రైల్ డీజిల్ మోటార్‌తో లభించే జెట్టా 140 బిహెచ్‌పిల శక్తిని విడుదల చేస్తుంది.

అంతేకాకుండా ఇది 1.4 లీటర్ టిఎస్ఐ టర్బో పెట్రోల్ మోటార్‌, 6-స్పీడ్ మ్యాన్యువల్ గేర్‌బాక్స్‌తో లభించవచ్చని అంచనా. అయితే ప్రస్తుతం భారత మార్కెట్ డిమాండ్ ఎక్కువగా డీజిల్ కార్లపైనే ఉండటంతో ఫోక్స్‌వ్యాగన్ తొలుత డీజిల్ వేరియంట్‌ను ఆ తర్వాత పెట్రోల్ వేరియంటన్‌ను విడుదల చేసే అవకాశం ఉంది. కరోలా ఆల్టిస్, స్కొడా లారా, చెవర్లే క్రూజ్, రీనాల్ట్ ఫ్లూయెన్స్ సెడాన్ వేరియంట్ కార్లు ఫోక్స్‌వ్యాగన్ జెట్టాకు గట్టి పోటీ ఇవ్వనున్నాయి.

Article Published On: Friday, June 17, 2011, 12:24 [IST]

English summary

In the Indian market, Volkswagen India is all-set to launch the long-awaited, new Jetta saloon on August 17th. Adding, in 2010, the all-new Jetta was launched in the global market however VW India was in the process of setting up a CKD assembly base for the new Jetta at its Aurangabad facility.

More from DriveSpark