Click it and Unblock the Notifications
రోడ్లే కాదు.. నీరు, నేల, మంచుపై కూడా ఈ కారు ప్రయాణిస్తుంది
చైనాకు చెందిన ఓ 21 ఏళ్ల టీనేజర్ సృష్టికి ప్రతిసృష్టి చేసి ఈ కాన్సెప్ట్ను రూపొందించాడు. ఇతని ఊహలకు జపాన్కు చెందిన ఫోక్స్వ్యాగన్ కంపెనీ ప్రాణం పోసింది. సిన్హువా యూనివర్సిటీలో మెకానికల్ విద్యార్థి యువాన్ ఝాంగ్ (21) అనే కుర్రాడు వోక్స్వ్యాగన్ నిర్వహించిన ఓ కాంపిటీషన్ కోసం ఈ కారుకు డిజైన్ చేశాడు. ఈ కారులో చక్రాలకు బదులుగా నాలుగు హైపవర్ ఫ్యాన్లు ఉంటాయి. అందులో రెండు ఫ్యాన్లు కారు కిందివైపు ఎయిర్ బ్యాగ్స్లను తయారయ్యేలా చేస్తాయి. దీనివల్ల కారు ఉపరితలం నుంచి కొంత ఎత్తు (గ్రౌండ్ క్లియరెన్స్) గాల్లోకి లేస్తుంది.
మిగిలిన రెండు ఫ్యాన్లు ముందుకు, వెనుకకు కదలడానికి ఉపయోగపడతాయి. ఇందులో హైడ్రోజన్ను ఇంధనంగా వినియోగించుకునే రెండు మోటార్లు ఉంటాయి. ఇది దాదాపు గంటకు వంద కిలోమీటర్ల వేగంతో ప్రయాణిస్తుంది. ముందు భాగంలో ఇది గంటకు గరిష్టంగా 65 మైళ్ల (సుమారు 100 కిలోమీటర్లు) వేగంతో ప్రయాణిస్తుంది.
Continue with Google