నానో మాత్రమే కాదు 'స్విఫ్ట్ డిజైర్‌' కూడా బర్నింగ్ కారే..

కాగా... తాజాగా, మారుతి సుజుకి కూడా "బర్నింగ్ కార్" జాబితాలోకి చేరిపోయింది. గురువారం ఉదయం తెల్లవారు జామున ముంబైలోని ఓ స్విఫ్ట్ డిజైర్ కారులో ఉన్నట్టుండి మంటలు అంటుకున్నాయి. అమిత్ మిత్రాకు చెందిన ఓ స్విఫ్ట్ డిజైర్ కారు ముంబై విక్రోలీ ఎక్స్‌ప్రెస్‌వేలో మంటల్లో పూర్తిగా కాలిపోయింది. అమిత్ ఔరంగాబాద్ నుండి ముంబై వస్తుండగా ఈ సంఘటన చోటు చేసుకుంది.

సుమారు ఎనిమిది లక్షల విలువైన ఈ కారును అమిత్ గడచిన మూడు నెలల క్రితం కొనుగోలు చేశారు. ప్రాధమిక సమాచారం ప్రకారం, అధిక దూరం ప్రయాణించిన కారణంగా ఇంజన్ ఓవర్‌హీట్ అయి ప్రమాదం సంభవించి ఉండవచ్చునని భావిస్తున్నారు. ఈ సంఘటనకు సంబంధించి మారుతి సుజుకి ఇంత వరకూ ఎలాంటి అధికారిక ప్రకటన చేయలేదు.