రోడ్డు ప్రమాదాల కారణంగా 2007-09లో 3.6 లక్షలకు పైగా ప్రజలు మృత్యువాత

Published: Friday, August 26, 2011, 16:44 [IST]

భారతదేశపు రోడ్లు నెత్తుటి మడుగులుగా మారుతున్నాయి. గడచిన 2007-09 మధ్య కాలంలో దేశంలో 14.50 లక్షల రోడ్డు ప్రమాదాలు నమోదయ్యాయి. ఈ ప్రమాదాల్లో మొత్తం 3,59,964 మంది ప్రాణాలు కోల్పోయారు. ఒక్క 2009 సంవత్సరంలోనే రోడ్డు ప్రమాదాల కారణంగా మొత్తం 1,25,660 మరణాలు నమోదయ్యాయి.

అంతకు ముందు ఏడాదితో పోలిస్తే ఇది 4.84 శాతం పెరిగినట్లు రోడ్డు రవాణా మంత్రి తుషార్ చౌదరి రాజ్య సభకు లిఖితపూర్వక సమాధానంలో తెలిపారు. రోడ్డు ప్రమాదాల కారణంగా 2008లో 1,19,860 మరణాలు మరియు 2007లో 1,14,444 మరణాలు సంభవించినట్లు ఆయన వెల్లడించారు.

కాగా.. 2009లో అత్యధికంగా రోడ్డు ప్రమాదాలు నమోదయ్యాయని, వీటిల్లో అధికంగా అరుణాచల్ ప్రదేశ్ (14,770 మృతులు) మరియు ఉత్తరప్రదేశ్ (14,638 మృతులు) నమోదైనట్లు చౌదరి చెప్పారు. అలాగే తమిళనాడులో 17,746 మరణాలు మరియు మహారాష్ట్రలో 11,396 మరణాలు నమోదైనట్లు ఆయన చెప్పారు.

Article Published On: Friday, August 26, 2011, 16:44 [IST]

English summary

As many as 3,59,964 persons were killed and over 14.50 lakh accidents were reported on the Indian roads during 2007-2009. Out of this, 1,25,660 fatalities on the roads were reported in 2009, a rise of 4.84 per cent over the previous year, Minister of State for Road Transport Tushar Chaudhary said in a written reply.

More from DriveSpark