ఫియట్‌తో భాగస్వామ్యాన్ని క్షుణ్ణంగా పరిశీలించాలి: రతన్ టాటా

ఇండియాలో ఇప్పటికీ తమకుంటూ ఓ ప్రత్యేక గుర్తింపు, డీలర్‌షిప్ నెట్‌వర్క్ లేని ఇటాలియన్ కంపెనీ ఫియట్, భారత మార్కెట్లో మరిన్ని మోడళ్లను తీసుకు రావాల్సిన అవసరం ఉందని ఆయన తెలిపారు. 2007 సంవత్సరంలో ఫియట్‌కు మరియు టాటా మోటార్స్‌కు మధ్య కుదిరిన 50:50 జాయింట్ వెంచర్ అగ్రిమెంట్ ప్రకారం, రెండు కంపెనీలు జాయింట్ డిస్ట్రిబ్యూషన్ నెట్‌వర్క్ మరియు బ్యాక్-ఎండ్ సపోర్ట్‌లకు అంగీకరించాయి. టాటా మోటార్స్ షోరూమ్‌లను గమనించినట్లయితే, దాదాపు ప్రతి షోరూమ్‌లోనూ ఫియట్ బ్రాండ్ కార్లు ఉంటాయి.

అలాగే, డీలర్‌షిప్‌ లోగోల్లో రెండు కంపెనీలకు చెందినవి ఉంటాయి. దీనికి తోడు పూణేకు సమీపంలో ఉన్న రంజన్‌గావ్ ఫ్యాక్టరీలో ఇరు కంపెనీలు సంయుక్తంగా ఉత్పత్తులను తయారు చేస్తున్న సంగతి తెలిసిందే. గతంలో ఫియట్ కూడా ఈ జాయింట్ వెంచర్ తప్పుకోవాలని భావిస్తున్నట్లు ప్రకటించిన సంగతి తెలిసిందే. టాటా-ఫియట్ జాయింట్ డీలర్‌షిప్ నెట్‌వర్క్ కారణంగా తమ బ్రాండ్ కార్లపై కన్నా టాటా బ్రాండ్ కార్లపైనా వినియోగదారులు శ్రద్ధ చూపుతున్నారని, అందుకే తాము భారత్‌లో స్వతంత్రంగా కార్యకలాపాలు ప్రారంభించనున్నామని ఫియట్ పేర్కొంది.