టాటా నానోలో మరో సరికొత్త వేరియంట్ పిక్సెల్..!

Published: Tuesday, March 1, 2011, 14:28 [IST]

టాటా మోటార్స్ బుజ్జి కారు నానోలో మరో కొత్త రూపం దర్శనమివ్వబోతుంది. నానో కాంపాక్ట్ ఫ్లాట్‌ఫామ్ ఆధారంగా.. పిక్సెల్ అనే చిన్నకారును యూరప్ మార్కెట్ల కోసం టాటా మోటార్స్ ప్రత్యేకంగా రూపొందిస్తుంది. మార్చి, 1 నుంచి ప్రారంభ కానున్న జెనీవా మోటార్ షోలో టాటా మోటార్స్ చైర్మన్ రతన్ టాటా ఈ పిక్సెల్ కాన్సెప్ట్ కారును ఆవిష్కరించనున్నారు. మూడు డోర్లతో రూపొందించిన పిక్సెల్ కారు డోర్లు పైవైపుకు (గుల్‌వింగ్ డోర్స్) ఓపెన్ అయ్యే విధంగా డిజైన్ చేశారు. ఇదో కాన్సెప్ట్ కారని, దీని తయారీ నానోపై (మూడ మీటర్ల పొడవు గల కారు) ఆధారపడి ఉంటుందని కంపెనీ పేర్కొంది.

యూరోపియన్ మార్కెట్ల డిమాండుకు అనుగుణంగా పిక్సెల్ కారులో ఇంటీరియర్స్ ఉంటాయని, టాటా అందిస్తున్న అత్యంత విశ్వసనీయమైన ఉత్పత్తుల శ్రేణిలో ఈ కారు కూడా ఒకటని కంపెనీ ఉన్నతాధికారి ఒకరు వెల్లడించారు. నానో యూరోపా (ఐదు డోర్లు గల నానో కారు) డిజైన్ నుంచి నేర్చుకున్న అనుభవంతో అమెరికా, యూరప్ మార్కెట్లకు సరిపోయేలా పిక్సెల్ డిజైన్‌ ఉంటుందని కంపెనీ వివరించింది. ఇంధన సామర్థ్యం, భద్రతా ఫీచర్ల విషయాల్లో పై మార్కెట్లలో నానో విఫలమవతూ క్రమంగా విక్రయాలు మందగిస్తున్నాయని, కానీ ఆ లోటును తమ పిక్సెల్ భర్తీ చేయగలదని కంపెనీ వర్గాలు తెలిపాయి.

Article Published On: Tuesday, March 1, 2011, 14:28 [IST]

English summary

Tata Motors is very soon coming out with a new version of its compact platform under Nano, called PIXEL to be sole product for the European markets. Tata is displaying this version to be unveiled by its Chairman at the Geneva car show and the car will be designed with three door Gull Wing opening upward. Tata said the car will be a concept one and the manufacturing will be based on Nano which is 3 meters.

More from DriveSpark