పరుగులు తీస్తున్న అపోలో టైర్ల ధరలు

Published: Thursday, March 31, 2011, 15:20 [IST]

ముడి సరుకుల ధరలు, ఉత్పాదక వ్యయాలు పెరగడంతో ప్రముఖ వాహన టైర్ల తయారీ సంస్థ అపోలో టైర్స్ తమ ఉత్పతుల ధరలను6 శాతానికి పెంచుతున్నట్లు ప్రకటించింది. ఈ పెంపు ఏప్రిల్‌ ఒకటి నుంచి అమలులోకి వస్తుందని కంపెనీ పేర్కొంది. టైర్ల ఉత్పత్తిలో అగ్రగామిగా ఉన్న అపోలో పెరిగిన ముడి పదార్థాల ధరల భారాన్ని కొంత మేరకు వినియోగదారులకు బదిలీ చేసే ఉద్దేశంతో తప్పనిసరి పరిస్థితుల్లో ఈ నిర్ణయం తీసుకోవాల్సి వచ్చినట్లు కంపెనీ వివరించింది.

టైర్ల ధరలను కనీసం 10 శాతం వరకైనా పెంచాల్సిన పరిస్థితి ఉందని, లేదంటే పరిశ్రమ కష్టాల్లో పడగలదని అపోలో టైర్స్‌ అధిపతి (భారత కార్యకలాపాలు) సతీశ్‌ శర్మ తెలిపారు. టైర్ల తయారీలో వాడే ముడి సరుకుల ధరలు ఆకాశాన్నంటుతున్నాయని, ఫలితంగా టైర్ల తయారీకి అయ్యే ఖర్చు కూడా పెరిగుతుందని, అందుకే ఈ భారాన్ని వినియోగదారులపై మోపక తప్పడం లేదని ఆయన వెల్లడించారు. వాణిజ్య వాహనాల టైర్ల ధరలు 3 శాతం వరకూ, ట్రక్కులు, బస్సుల రేడియల్‌ టైర్ల ధరలు 6 శాతం వరకూ, ప్యాసింజర్‌ కార్ల టైర్ల ధరలను 3 శాతం వరకూ పెరగనున్నాయని ఆయన తెలిపారు.

Article Published On: Thursday, March 31, 2011, 15:20 [IST]

English summary

The increase in the prices of input and other raw materials has not spared any automobile company and Apollo Tyres has sharpened its mark to rise by 6%. The revised rate will be effective from April 1to compensate the rise in raw materials, the company’s Chief for India Operations said.

More from DriveSpark