వచ్చే ఏడాది చివరి నాటికి 100 డీలర్‌షిప్ కేంద్రాలు: రీనాల్ట్

విదేశీ మార్కెట్లో కంపెనీ అందిస్తున్న హై-ఎండ్ వేరింయట్ ఎస్‌యూవీ (స్పోర్ట్స్ యుటిలిటా వాహనం) కొలియెస్‌ ఈ ఏడాది అక్టోబర్ నెలలో విడుదల చేస్తామని, అలాగే వచ్చే సంవత్సరం ఓ బి-సెగ్మెంట్ హ్యాచ్‌బ్యాక్‌ కారుతో సహా మరో మూడు మోడళ్లను కూడా విడుదల చేస్తామని లెన్ తెలిపారు. యూరప్‌లో రెండో అతిపెద్ద కార్ల తయారీదారు అయిన రీనాల్ట్ రానున్న సంవత్సరాలలో భారత్‌లో మరిన్ని మోడళ్లను విడుదల చేయాలని, వీలైనంత వరకూ వాటిని భారత్‌లోనే ఉత్పత్తి/అసెంబ్లిగ్ చేయాలని భావిస్తోంది. ప్రస్తుతం రీనాల్ట్ అందిస్తున్న లగ్జరీ సెడాన్ ఫ్లూయెన్స్ కారును టైర్‌ -1 నగరాల నుంచి టైర్‌ -2, టైర్‌-3 నగరాలకు కూడా విస్తరించనుంది.