Click it and Unblock the Notifications
భారత్ కోసం ప్రత్యేకంగా చిన్నకారు: రీనాల్ట్
"మా ఇంజన్ ప్లాంట్ వచ్చే ఏప్రిల్ నాటికి ప్రారంభం కానుంద"ని రీనాల్ట్ ఇండియా వైస్-ప్రెసిడెంట్ (సేల్స్ అండ్ మార్కెటింగ్) లెన్ కుర్రాన్ తెలిపారు. ఈ ప్లాంటు ఉత్పత్తి సామర్థ్యం సాలీనా 1,00,000 యూనిట్లుగా ఉన్నట్లు ఆయన వివరించారు. పూణేలోని రీనాల్ట్ తొలి డీలర్షిప్ కేంద్రంలో తమ తొలి లగ్జరీ ఫ్లూయెన్స్ను విడుదల చేసిన సందర్భంగా ఆయన ఈ విషయాన్ని వెల్లడించారు. వీ-ఫ్లాట్ఫామ్పై నిర్మించినున్న ఈ హ్యాచ్బ్యాక్ కారును పెట్రోల్ మరియు డీజిల్ వేరియంట్లలో కంపెనీ అందించనుంది.
వచ్చే ఏడాది కంపెనీ విడుదల చేయనున్న మూడు ఉత్పత్తులలో ఈ హ్యాచ్బ్యాక్ కూడా ఒకటి. ప్రస్తుతం భారత మార్కెట్లో రీనాల్ట్ ఒకే ఒక్క మోడల్ (ఫ్లూయెన్స్)ను మాత్రమే అందిస్తోంది. ఈ ఏడాది అక్టోబర్ నెలలో రీనాల్ట్ ఎస్యూవీ (స్పోర్ట్స్ యుటిలిటీ వాహనం) కొలియోస్ను కూడా విడుదల చేయనుంది. ఈ మోడల్ను కూడా ఫ్లూయెన్స్ మాదిరిగానే సికిడె యూనిట్లుగా దిగుమతి చేసుకొని భారత్లోని చెన్నై ప్లాంటులో అసెంబ్లింగ్ చేయనుంది. కాగా.. ఈ హ్యాచ్బ్యాక్ కారును మాత్రం పూర్తిగా భారత్లోనే ఉత్పత్తి చేయాలని కంపెనీ భావిస్తోంది.
Continue with Google