గ్రాండ్ ప్రిలో 'పల్స్' చిన్న కారును ఆవిష్కరించిన రీనాల్ట్

అంగరంగ వైభవంగా జరిగిన ఈ కార్యక్రమంలో శనివారం నాడు కంపెనీ తమ చిన్న కారును ఆవిష్కరించింది. భారత రహదారులకు అనువుగా రూపొందుతున్న ఈ పల్స్ చిన్న కారును దేశీయ వినియోగదారుల నుండి మంచి ఆదరణ లభించగలదని రీనాల్ట్‌ చీఫ్‌ ఆపరేటింగ్‌ ఆఫీసర్‌ కార్లోస్‌ టవరెస్‌ తెలిపారు.

రానున్న జనవరిలో ఇది మార్కెట్లో వినియోగదారులకు అందుబాటులోకి రానుందని ఆయన చెప్పారు. దీని ధర మరియు ఇతర వివరాలను ఢిల్లీ ఆటో ఎక్స్‌పోలో వెల్లడిస్తామని కార్లోస్ చెప్పారు. ప్రస్తుతం రీనాల్ట్ పల్స్ చిన్న కారును చెన్నైలోని ఓరగడంలో ఉన్న రీనాల్ట్-నిస్సాన్ ప్లాంటులో అభివృద్ధి చేస్తున్నారు.