మహీంద్రా రేవా నుంచి త్వరలో 'ఎన్ఎక్స్ఆర్' ఎలక్ట్రిక్ కార్

Published: Tuesday, June 28, 2011, 16:30 [IST]

రేవా నుంచి మరొ కొత్త ఎలక్ట్రిక్ కార్ త్వరలోనే మార్కెట్లోకి రానుంది. ఈ కారు బెంగుళూరుకు చెందిన ఎలక్ట్రిక్ కార్ల తయారీ సంస్థ రేవాను గతేడాది దేశీయ ప్రముఖ యుటిలిటీ వాహనాల తయారీ సంస్థ మహీంద్రా అండ్ మహీంద్రా స్వాధీనం చేసుకున్న తర్వాత వస్తున్న తొలి మోడల్ కావడం విశేషం. ప్రస్తుతం మహీంద్రా రేవా 'ఎన్ఎక్స్ఆర్' అనే మోడల్‌‌ను అభివృద్ధి చేస్తోంది. రెండు డోర్లు ఉండే ఈ కారు ప్రస్తుతం మార్కెట్లో ఉన్న రేవా ఎలక్ట్రిక్ కారు కంటే కాస్తంత పెద్దది. ఎన్ఎక్స్ఆర్ కారును రేవా గత రెండేళ్లుగా అభివృద్ధి చేస్తుండగా, ప్రోటోటైప్‌ను గతేడాది పూర్తి చేసింది.

ప్రస్తుతం ఈ ప్రోటోటైప్ ఎన్ఎక్స్ఆర్ కారును రేవా బెంగుళూరులో పరీక్షిస్తోంది. ఈ మోడల్‌ను అభివృద్ధి చేయడం దాదాపుగా పూర్తి అయినట్లు తెలుస్తుంది. అంతేకాకుండా.. మహీంద్రా అండ్ మహీంద్రా ప్రస్తుత ఆర్థిక సంవత్సరంలో ఐదు కొత్త మోడళ్లను విడుదల చేస్తానని ఇటీవల ప్రకటించిన నేపథ్యంలో అందులో ఒక మోడల్ మహీంద్రా రేవా నుంచి విడుదలయ్యే అవకాశం ఉంది. రేవా ఎన్ఎక్స్ఆర్ ఎలక్ట్రిక్ కారును ఒక్కసారిగా పూర్తిగా చార్జ్ చేస్తే 160 కిలోమీటర్ల వరకూ ప్రయాణించవచ్చు. ఇది గంటకు గరిష్టంగా 104 కిలోమీటర్ల వేగంతో పరుగులు తీస్తుంది.

Article Published On: Tuesday, June 28, 2011, 16:30 [IST]

English summary

A new electric car from Reva will be launched soon. Mahindra Reva has developed a new electric car model called the NXR. This two-door car is slightly larger than the Reva. Reva has been developing the NXR since two years and a prototype was completed last year.

More from DriveSpark