రికార్డు స్థాయిలో రోల్స్ రాయిస్ కార్ల విక్రయాలు

కేవలం కోటీశ్వరులు మాత్రమే కొనుగోలు చేయగల ఈ కార్ల విక్రయాలు రికార్డు స్థాయిలో నమోదు కావడంతో ఆ సంస్థ ఆనందోత్సాహాలను వెలిబుచ్చడంతో పాటు భవిష్యత్తులో మరింత వృద్ధిని సాధించలమన్న ఆశాభావాన్ని కూడా వ్యక్తం చేసింది. కాగా.. 2008 సంవత్సరం విక్రయాలతో పోలిస్తే.. 2010 సంవత్సర విక్రయాలు రెండింతలకు పెరిగాయి. 2008లో కేవలం 1212 రోల్స్ రాయిస్ కార్లు మాత్రమే విక్రయించగా.. 2009లో 1002 యూనిట్లు అమ్ముడయ్యాయి. అంటే 2009 సంవత్సరంతో పోలిస్తే 2010 సంవత్సర విక్రయాలు 171 శాతం వృద్ధిని సాధించాయి.

రోల్స్ రాయిస్ సాధించిన ఈ వృద్ధిపై ఆసియా, పసిఫిక్, అమెరికా, మధ్యప్రాశ్చ్య దేశాల మార్కెట్లు మంచి ప్రభావాన్ని చూపించాయి. రోల్స్ రాయిస్‌కు అమెరికానే ఇప్పటికీ అతిపెద్ద ఏకైక మార్కెట్‌గా ఉంది. తర్వాతిస్థానాలలో, చైనా, బ్రిటన్ దేశాలున్నాయి. భారత్, కొరియా, సింగపూర్, జపాన్ దేశాలలో మరింత వృద్ధిని సాధించగలమని కంపెనీ ధీమా వ్యక్తం చేసింది. ప్రస్తుత కంపెనీ విక్రయాలను బట్టి చూస్తే.. మొదటి పది దేశాలలో ఆసియా-పసిఫిక్ ప్రాంతం అగ్రస్థానంలో ఉండగా.. తర్వాతి స్థానాలలో ఉత్తర అమెరికా, మధ్యప్రాశ్చ్యం, యునైటెడ్ కింగ్‌డమ్, మెయిన్‌లాండ్ యూరప్, దక్షిణాఫ్రికాలు ఉన్నాయి.