మూడో త్రైమాసికంలో ఫియట్ కార్ల కోసం ప్రత్యేక షోరూమ్‌లు

అయితే, ఫియట్ ఉత్పత్తులను కొనుగోలు చేయాలని ఈ డీలర్‌షిప్ కేంద్రాలకు వచ్చే కొనుగోలుదారుల్లో అధికంగా టాటా మోటార్స్ ఉత్పత్తులపై శ్రద్ధ కనబరుస్తుండటం, ఫలితంగా ఈ జేవీ నుండి ఫియట్‌కు పెద్దగా లబ్ధి చేకూర్చకపోవడం వంటి వివిద కారణాలతో ఫియట్ తన స్వంత అవుట్‌లెట్లను ఏర్పాటు చేసుకోవాలని యోచిస్తోంది.

వచ్చే సంవత్సరం మూడో త్రైమాసికంలో కేవలం ఫియట్ బ్రాండ్ కార్ల కోసం మాత్రమే ప్రత్యేకంగా షోరూమ్‌లను ఏర్పాటు చేయనున్నామని ఫియట్ ఇండియా ప్రైవేట్ లిమిటెడ్ అధ్యక్షుడు మరియు సీఈఓ రాజీవ్ కపూర్ వెల్లడించారు. ఫియట్-టాటా జాయింట్ వెంచర్‌పై టాటా సంస్థల సారధి రతన్ టాటా అసంతృప్తి వ్యక్తం చేసిన నేపథ్యంలో ఫియట్ ఈ నిర్ణయం తీసుకోవడం గమనార్హం.