స్కొడా ర్యాపిడ్ కోసం ఆన్‌లైన్ బుకింగ్‌లు ప్రారంభం

ప్రస్తుతం స్కొడా నుంచి లభిస్తున్న సెడాన్ మోడళ్లలో స్కొడా ర్యాపిడ్ సెడానే అత్యంత చవకైనది. వచ్చే ఏడాదిలో స్కొడా నుంచి అత్యంధికంగా అమ్ముడయ్యే కారు ఈ మోడలే కాగలదని కంపెనీ అంచనా వేస్తుంది. దేశీయ విపణిలో స్కొడా ర్యాపిడ్ సెడాన్ (పెట్రోల్ వేరియంట్) ప్రారంభ ధర రూ.6.75 లక్షలు (ఎక్స్-షోరూమ్, ఢిల్లీ)గా ఉంది. ఫోక్స్‌వ్యాగన్ వెంటో సెడాన్ ఫ్లాట్‌‌ఫామ్‌పై రూపొందిన ర్యాపిడ్ సెడాన్ ధర వెంటో సెడాన్ ధర కన్నా తక్కువ.

ప్రతి నెలా సుమారు 2,000 ర్యాపిడ్ కార్లను విక్రయించాలని స్కొడా భావిస్తుంది. స్కొడా ర్యాపిడ్ ఆటోమేటిక్ ట్రాన్సిమిషన్ పెట్రోల్ వేరియంట్స్, మూడు మ్యాన్యువల్ ట్రాన్సిమిషన్ పెట్రోల్ వేరియంట్స్, మూడు మ్యాన్యువల్ ట్రాన్సిమిషన్ డీజిల్ ఆప్షన్లతో మొత్తం ఎనిమిది వేరియంట్లలో లభ్యమవుతుంది.