సెడాన్ వెర్షన్ ఫ్యాబియాను విడుదల చేయనున్న స్కొడా

Published: Thursday, July 21, 2011, 12:37 [IST]

జర్మనీకు చెందిన ఫోక్స్‌వ్యాగన్ బ్రాండ్ అయిన స్కొడా భారత మార్కెట్లో అందిస్తున్న ప్రిమీయం హ్యాచ్‌బ్యాక్ 'ఫ్యాబియా'లో సెడాన్ వేరియంట్‌ను ప్రవేశపెట్టేందుకు సన్నాహాలు చేస్తుంది. ఇందుకు గానూ కంపెనీకు పూణేలో ఉన్న ఛాకన్ ప్లాంటులో వార్షిక ఉత్పత్తి సామర్థ్యాన్ని కూడా పెంచనుంది. త్వరలో ఈ ప్లాంటులో ఫ్యాబియా సెడాన్‌ను ఉత్పత్తి చేయనున్నామని, ఉత్పత్తి సామర్థ్యాన్ని కూడా రోజుకు 450 యూనిట్ల నుంచి 500 యూనిట్లకు పెంచనున్నామని కంపెనీ అధికారి ఒకరు తెలిపారు.

ప్రస్తుతం ఛాకన్ ప్లాంటులో ఫోక్స్‌వ్యాగన్ గ్రూప్ మూడు మోడళ్లను ఉత్పత్తి చేస్తోంది. ఈ ప్లాంటులో ఉత్పత్తి సామర్థ్యం సాలీనా 1.1 లక్షల యూనిట్లు. ఈ ప్లాంటులో ఫోక్స్‌వ్యాగన్ పోలో హ్యాచ్‌బ్యాక్, వెంటో సెడాన్ మరియు స్కొడా ఫ్యాబియా హ్యాచ్‌బ్యాక్ మోడళ్లు తయారవుతున్నాయి. 60 ఎకరాల్లో ఉండే ఈ ప్లాంటు కోసం కంపెనీ రూ. 3,800 కోట్లను పెట్టుబడులుగా వెచ్చించింది. ఆటో పరిశ్రమ వర్గాల సమాచారం ప్రకారం, స్కొడా ఫ్యాబియా సెడాన్ కారుకు 'ర్యాపిడ్' అని నామకరణం చేయవచ్చు. ఫ్యాబియా సెడాన్‌ను వెంటో ఫ్లాట్‌ఫామ్‌పై రూపొందించనున్నట్లు తెలుస్తోంది. ఈ దీపావళి నాటికి ఇది మార్కెట్లోకి రావచ్చునని అంచనా.

Article Published On: Thursday, July 21, 2011, 12:37 [IST]

English summary

German auto major Volkswagen's brand Skoda's flagship hatchback model Fabia to turn as sedan version. Company is planning to launch a sedan version of its Fabia for Indian market.

More from DriveSpark