యెటిలో చౌక వేరియంట్‌ను విడుదల చేసిన స్కొడా

ఫోర్-వీల్ డ్రైవ్ ఆప్షన్ (4x4) కలిగి స్కొడా యెటి ఎస్‌యూవీ ఎక్స్-షోరూమ్ ధర రూ.15.4 లక్షలుగా ఉంది. స్కొడా తాజాగా అందిస్తున్న టూ-వీల్ డ్రైవ్ యెటి ఎస్‌యూవీ 5-స్పీడ్ మ్యాన్యువల్ ట్రాన్సిమిషన్ సిస్టమ్‌తో లభిస్తుంది. ఇందులో ఉపయోగించిన 2-లీటర్ టర్బో డీజిల్ ఇంజన్‌ 110 బిహెచ్‌పిల శక్తిని, 250 ఎన్ఎమ్‌ల టార్క్‌ను విడుదల చేస్తుంది. ఇదే ఇంజన్‌ను స్కొడా లారా సెడాన్‌లో కూడా మనం గమనించవచ్చు. స్కొడా యెటి సెడాన్ డీజిల్ వేరియంట్లో మాత్రమే లభ్యమవుతుంది.

కొత్త స్కొడా యెటిలో ఏబిఎస్ (యాంటీ-లాక్ బ్రేకింగ్ సిస్టమ్), ఎయిర్‌బ్యాగ్స్, ట్రాక్షన్ కంట్రోల్ వంటి సేఫ్టీ ఫీచర్లు ఉన్నాయి. ఇది యాక్టివ్, యాంబిషన్ అనే రెండు వేరియంట్లలో లభ్యమవుతుంది. స్కొడా ఫోర్-వీల్ డ్రైవ్ యెటితో పోల్చుకుంటే టూ-వీల్ డ్రైవ్ యెటి ఎస్‌యూవీ బరువు సుమారు 100 కిలలో వరకూ తక్కువగా ఉంటుంది. ఇది ఏఆర్ఏఐ సర్టిఫై చేసిన దాని ప్రకారం లీటరుకు 17.72 కిలోమీటర్ల మైలేజీనిస్తుంది.