భారత మార్కెట్ కోసం స్కొడా నుంచి ఓ కాంపాక్ట్ సెడాన్

స్కొడాకు ఇది ఆరవ ఉత్పత్తి. ఈ మిషన్ఎల్ కాంపాక్ట్ సెడాన్ కాన్సెప్ట్ కారును జర్మనీలో జరుగుతున్న 64వ ఫ్రాంక్‌ఫర్ట్ అంతర్జాతీయ మోటార్ షోలో ప్రదర్శనకు ఉంచింది. యూరప్, రష్యా, చైనా మార్కెట్లలోకి మాత్రం ఈ కారు 2012లో ప్రవేశించనుండగా, ఒక్క భారత్‌లోనే 2011 ముగియడానికి ముందే ఇది మార్కెట్లోకి రానుంది.

అంతర్జాతీయ ప్రమాణాలకు అనుగుణంగా, ఒక్కో ప్రాంతానికి తగినట్లుగా ఫీచర్లను మోడిఫై చేయనున్నామని, ప్రస్తుతం ఈ కారు యొక్క అభివృద్ధి తుది దశంలో ఉందని కంపెనీ పేర్కొంది. 2018 నాటికి తన ప్రపంచ అమ్మకాలను 1.5 మిలియన్లకు పెంచుకోవాలని స్కొడా భావిస్తోంది. ప్రతి ఆరు నెలలకు ఓ కొత్త ఉత్పత్తిని ప్రవేశపెట్టేందుకు కంపెనీ సన్నాహాలు చేస్తుంది.