Click it and Unblock the Notifications
1,500 బుకింగ్లను సొంతం చేసుకున్న స్కొడా ర్యాపిడ్
కంపెనీ మొట్టమొదిటిసారిగా స్కొడా ర్యాపిడ్ సెడాన్ కోసం ఆన్లైన్ బుకింగ్లను ప్రారంభించిందని, ఈ ఛానెల్ ద్వారా 25కు పైగా కార్లను విక్రయించిందని స్కొడా ఆటో ఇండియా బోర్డ్ మెంబర్ (సేల్స్ అండ్ మార్కెటింగ్) థామస్ కుయెల్ తెలిపారు. సమీప భవిష్యత్తులో మరిన్ని స్కొడా మోడళ్లకు ఆన్లైన్ బుకింగ్లను పరిచయం చేయాలని భావిస్తున్నామని ఆయన తెలిపారు.
ఫ్యాబియా, యెటిలలో కొత్త వేరియంట్లను ప్రవేశపెట్టేందుకు సన్నాహాలు చేస్తున్నామని, వచ్చే ఏడాది కంపెనీ మొత్తం అమ్మకాలలో 50 శాతం ర్యాపిడ్ సెడాన్ అమ్మకాలే ఉంటాయని, మొత్తం డీజిల్ కార్ల అమ్మకాలలో 70 శాతం ర్యాపిడ్ అమ్మకాలు ఉంటాని అంచనా వేస్తున్నామని కుయెల్ చెప్పారు. స్కొడా ర్యాపిడ్ సి-సెగ్మెంట్లోని హోండా సిటీ, ఎస్ఎక్స్4, వెర్నా వంటి మోడళ్లకు పోటీగా నిలువనుంది.
దేశీయ విపణిలో స్కొడా ర్యాపిడ్ సెడాన్ (పెట్రోల్ వేరియంట్) ప్రారంభ ధర రూ.6.75 లక్షలు (ఎక్స్-షోరూమ్, ఢిల్లీ)గా ఉంది. ఫోక్స్వ్యాగన్ వెంటో సెడాన్ ప్రారంభ ధర రూ.6.99 లక్షలు (ఎక్స్-షోరూమ్, ఢిల్లీ)గా ఉంది. స్కొడా ర్యాపిడ్ సెడాన్ మూడు వేరియంట్లలో లభ్యమవుతుంది. అందులో రెండు పెట్రోల్ వేరియంట్లు కాగా.. మరొకటి డీజిల్ వేరియంట్.
Continue with Google