భారత మార్కెట్లోకి హిందుస్థాన్ మోటార్ చిన్నకారు

Published: Thursday, February 3, 2011, 11:13 [IST]

సికె బిర్లా గ్రూపుకు చెందిన హిందుస్థాన్ మోటార్ కంపెనీ భారత మార్కెట్లోకి ఓ చిన్నకారును విడుదల చేయడానికి సన్నాహాలు చేస్తుంది. ప్రస్తుతం భారత వినియోగదారుల ట్రెండ్ చిన్నకార్లపై ఉండటంకో కంపెనీ ఈ నిర్ణయం తీసుకుంది. హెచ్ఎమ్ ఇప్పటికే ఈ కారుకు తుది మెరుగులు దిద్దుతోంది. అతి త్వరలోనే ఈ కారును ప్రవేశపెట్టాలని కంపెనీ శరవేగంగా పనులు నిర్వహిస్తోంది. జులై తొలివారంలో డీలర్‌షిప్ షోరూమ్‌లలో ఈ చిన్నకారు దర్శనమివ్వనున్నట్లు సమాచారం.

అంబాసిడర్ ప్లాట్‌ఫామ్‌పై రూపొందించిన ఈ కారు హ్యాచ్‌బ్యాక్, సెడాన్ వేరియంట్లలో లభించనుంది. అయితే ఇది పొడవులో అంబాసిడర్ కన్నా చిన్నగా ఉంటుంది కాబట్టి దీని ధర కూడా తక్కువగా ఉండవచ్చునని అంచనా. హ్యాచ్‌బ్యాక్ విభాగంలో హిందుస్థాన్‌ మోటార్‌కు ఇది తొలి ప్రవేశం. పశ్చిమ బెంగాల్‌లో ఉన్న ఉత్పత్తి కేంద్రం ద్వారా హెచ్ఎమ్ ఈ చిన్నకార్లను తయారు చేయనుంది. ప్రస్తుతం అంబాసిడర్ కారు ప్రతినెలా 700 నుంచి 800 యూనిట్లు అమ్ముడవుతున్నాయని కంపెనీ అధికారి ఒకరు వెల్లడించారు.

Article Published On: Thursday, February 3, 2011, 8:16 [IST]

English summary

Amidst many issues to face in its business show, the CK Birla group’s Hindustan Motors is making the final shape for the new small car. The information from the company revealed that the prototypes of the small car would be on display to the dealers during the first week of July.

More from DriveSpark