చెవర్లెట్ స్మార్టెక్ ఇంజన్ ఆవిష్కరించిన జనరల్ మోటార్స్

Published: Monday, February 7, 2011, 16:34 [IST]

అమెరికాకు చెందిన ఫ్రముఖ ఆటోమొబైల్ సంస్థ జనరల్ మోటార్స్ అందిస్తున్న చెవర్లెట్ బీట్ కోసం అంతర్జాతీయ టెక్నాలజీతో రూపొందించిన స్మార్టెక్ ఇంజన్‌ను రూపొందించింది. ప్రస్తుతం చెవర్లెట్ బ్రాండ్‌లో వినియోగిస్తున్న ఇంజన్లు పూర్తిగా స్థానికంగా రూపొందించబడినవి. ఈ 1.2 లీటర్ పెట్రోల్ ఇంజన్‌ను తాలేగావ్ ప్లాంట్ మార్గదర్శకాలతో బెంగుళూరులో ఉన్న జీఎమ్ టెక్నికల్ సెంటర్ ఇండియా రూపొందించింది. ఇలాంటి స్మార్టెక్ ఇంజన్‌ను డీజిల్ వేరియంట్‌లో కూడా రూపొందిస్తున్నామని, అయితే దానిని 2012లో విడుదల చేస్తామని కంపెనీ ఉన్నతాధికారి ఒకరు వెల్లడించారు.

ఈ ఇంజన్ సామర్ధ్యాన్ని ప్రయోగాత్మకంగా పరీక్షించామని, కార్ల వేగం, సామర్ధ్యాన్ని ఈ ఇంజన్ ద్వారా పెంచుకోవచ్చని కంపెనీ వివరించింది. మరోవైపు భారత్‌లో చిన్నతరహా వాణిజ్య వాహనాల (లైట్ కమర్షియల్ వెహికల్స్)ను ఈ ఏడాది చివర్లో కానీ లేదా.. వచ్చే ఏడాది ఆరంభంలో కానీ విడుదల చేయనున్నట్లు కంపెనీ పేర్కొంది. అంతేకాకుండా.. హలాల్‌ ప్లాంటు ఉత్పత్తి సామర్థ్యాన్ని కూడా జనరల్ మోటార్స్ అప్‌గ్రేడ్ చేయనుంది. హలాల్ ప్లాంటులో ప్రస్తుత ఉత్పత్తి సమార్థ్యం సాలీన 85,000 యూనిట్లు ఉండగా.. దానిని లక్ష యూనిట్లకు పెంచాలని కంపెనీ భావిస్తోంది. 2010లో జనరల్ మోటార్స్ భారత మార్కెట్లో 60 శాతం వృద్ధిని సాధించింది. మార్కెట్లో తమ కార్యకలాపాలను విస్తరించుకునేందుకు కంపెనీ ఇప్పటికే రూ. 5,000 కోట్లను పెట్టుబడులుగా వెచ్చించింది.

Article Published On: Monday, February 7, 2011, 16:34 [IST]

English summary

General Motors’s launch of SMARTECH engine for its Chevrolet Beat is scheduled for this month. Currently, being as the most preferred among Chevrolet brands, the car is running on localized engine. This engine, of 1.2 lit is a creation of GM Technical Centre India in Bangalore under the guidance of GM’s Talegaon plant.

More from DriveSpark