32 కి.మీ. మైలేజినిచ్చే సుజుకి రెజినా పెట్రోల్ కార్..!!

సుజుకి రెజినాను తక్కువ బరువు (730 కేజీలు) ఉండేలా తీర్చిదిద్దారు. పెట్రోల్ ఇంజన్‌తో లభించినున్న సుజుకి రెజినా మైలేజ్ ప్రతి లీటరుకు 32 కి.మీ. ఉండొచ్చని అంచనా. ఇది కిలోమీటరుకు 70 గ్రాముల కార్బన్ డైఆక్సైడ్ (సిఓ2)ను విడుదల చేస్తుంది. రెండు డోర్లు కలిగి ఉండే సుజుకి రెజినాలో నలుగురు ప్రయాణికులు సౌకర్యవంతంగా ప్రయాణించవచ్చు.

సుజుకి రెజినా డ్యాష్‌బోర్డ్‌పై అత్యాధునిక సాంకేతిక పరిజ్ఞానంతో రూపొందించిన హై టెక్నాలజీ ఇన్‌స్ట్రుమెంట్ క్లస్టర్ ఉంటుంది. ఆకర్షనీమయైన ఎక్స్‌టీరియర్ డిజైన్, విశాలమైన, వినూత్నమైన ఇంటీరియర్స్ దీని ప్రత్యేకత. మరో రేండేళ్లలో సుజుకి రెజినా ఉత్పత్తి దశకు చేరుకునే ఆస్కారం ఉంది. 2012 ఢిల్లీ ఆటో ఎక్స్‌పోలో కూడా సుజుకి ఈ కాన్సెప్ట్‌ను ప్రదర్శించవచ్చని అంచనా.