ఆసియా దేశాలకు పయనం కానున్న టాటా నానో

ఇందుకు చాలా కారణాలే ఉన్నాయి. ఓ వైపు బజాజ్-రీనాల్ట్‌లు కలిసి నానో కన్నా తక్కువ ధర ఉండేలా చిన్నకారును రూపొందిస్తున్నాయి. మరోవైపు హోండా, హ్యుందాయ్ వంటి పలు కంపెనీలు చిన్నకార్లలో కొత్త మోడళ్లను ప్రవేశ పెట్టడం, మరికొన్ని విదేశీ సంస్థలు చిన్నకారు విడుదలకు సంబంధించి ప్రకటనలు చేయడంతో ఈ విభాగంలో గట్టి పోటీ నెలకొంది. ఈ పోటీ నడుమ నానో తన స్థానాన్ని నిలుపుకోవడానికి గట్టి ప్రయత్నాలు చేస్తుంది. నానో కారు డెలివరీలో జాప్యం జరగకుండా ఉండేందుకు ఓపెన్ సేల్స్, వారంటీ పెంపు వంటి వినూత్న ఆఫర్లను ప్రకటించిన సంగతి తెలిసిందే.

తాజాగా.. టాటా మోటార్స్ నానో విక్రయాలను పెంచుకునేందుకు ఆసియా డ్రైవ్‌ను చేపట్టింది. 2010 చివరి నెలల్లో నానో విక్రయాలు ఊహించని రీతిలో పడిపోవడంతో కంపెనీ వినూత్న ప్రచారానికి తెరలేపింది. నానో విక్రయాల లక్ష్యాన్ని చేరుకోవాలంటే ఎగుమతులే శరణ్యమని టాటా భావిస్తోంది. నానో కారును ఎగుమతులకు శ్రీలంక, థాయ్‌లాండ్, బంగ్లాదేశ్‌ వంటి దేశాలను టాటా గుర్తించింది. ప్రస్తుతం సగటున నెలకు 6,000 నుండి 7,000 యూనిట్లు అమ్ముడుతున్నాయని, త్వరలోనే ఇవి 8,000 నుండి 10,000 యూనిట్లకు పెరగుతాయని కంపెనీ సీఈఓ ఆశాభావం వ్యక్తం చేశారు. వినియోగదారులకు 100 శాతం రుణ సదుపాయాన్ని కల్పించడం ద్వారా ఈ విక్రయాలను సాధించగలమని ఆయన అన్నారు.