టాటా గ్రూపు ఉద్యోగులకు టాటా నానోపై స్పెషల్ డీల్స్

అయితే, తాజాగా టాటా గ్రూపు అధీనంలో ఉన్న వివిధ కంపెనీలు / సంస్థలలో పనిచేస్తున్న తమ ఉద్యోగులకు టాటా నానో కారుపై టాటా మోటార్స్ ప్రత్యేక పథకాలను అందించనుంది. భారత్‌లో అతిపెద్ద ప్రైవేట్ రంగ సంస్థగా అవతరించిన టాటా గ్రూపు ఉప్పు నుంచి ఐటి వరకూ వివిధ రంగాల్లో కార్యకలాపాలు నిర్వహిస్తున్న విషయం విదితమే.

దాదాపు 2 లక్షలకు పైగా ఉద్యోగులను కలిగి ఉన్న టాటా గ్రూపు, తమ సంస్థలలో పనిచేసే వారికి ఈ బుజ్జి కారుపై స్పెషల్ డీల్స్‌ను అందిచాలని యోచిస్తున్నట్లు సమాచారం. ఇప్పటికే ఈ తరహా పథకాన్ని టాటా గ్రూపుకు చెందిన కీలక ఐటి విభాగం టాటా కన్సల్టెన్సీ సర్వీస్ (టిసిఎస్)లో కంపెనీ అమలు చేసింది.

టిసిఎస్ ఉద్యోగులకు టాటా నానో కారుపై ప్రత్యేక తగ్గింపులు, తక్కువ వడ్డీ రేట్లు, ఈఎమ్ఐ స్కీమ్స్ వంటి వివిధ ఆఫర్లను ప్రకటించింది. పది రోజుల పాటు ప్రకటించిన ఈ ఆఫర్లకు టిసిఎస్ ఉద్యోగుల నుంచి ఆశేష ఆదరణ లభించిందని కంపెనీ పేర్కొంది. టిసిఎస్ ఉద్యోగులకు అందజేసిన టాటా నానో స్పెషల్ ఎడిషన్ వెర్షన్ కారును "టిసిఎస్ నానో" అని పిలుస్తారు.

ఈ స్పెషల్ ఎడిషన్ టిసిఎస్ నానో కారు ఇంటీరియర్‌లోని డ్యాష్‌బోర్డ్‌పై టాటా గ్రూపు సంస్థల చైర్మన్ రతన్ టాటా సంతకం కూడా ఉంటుంది. త్వరలోనే ఈ తరహా పథకాన్ని టాటా గ్రూపు ఉక్కు విభాగమైన టాటా స్టీల్‌లో పనిచేస్తున్న ఉద్యోగులకు మరియ ఇతర అనుబంధ సంస్థలలో పనిచేస్తున్న వారికి వర్తింపచేయాలని కంపెనీ యోచిస్తోంది.