ప్రత్యామ్నాయ ఇంధన పరిశోధనపై టాటా గ్రూపు ప్రయోగాలు

శిలాజ ఇంధనాలు అంతరించిపోతున్న నేటి రోజుల్లో భవిష్యత్తులో ఇంధన కొరత ఏర్పడే అవకాశం ఉంది. ఈ నేపథ్యంలో ఇంధనానికి బదులుగా ఉపయోగించే ప్రత్యమ్నాయ ఇంధనాల (సౌర విద్యుత్, బయోడీజిల్, ఇధనాల్) వెతకడంపై పలు కంపెనీలు పరిశోధనలు చేస్తున్నాయి. ఈ మేరకు భారత్‌లో వివిధ రంగాల్లో కార్యకలాపాలు కొనసాగిస్తున్న రతన్ టాటాకు చెందిన "టాటా గ్రూపు" తాజాగా ప్రత్యామ్నయ ఇంధనంపై రీసెర్చ్, క్లినికల్‌ డయోగ్నాస్టిక్‌ రంగంలో ప్రవేశించిలను బావిస్తుందని టాటా ఇండస్ట్రీస్‌ మేనేజింగ్‌ డైరెక్టర్‌ కిశోర్‌ ఏ చౌకర్‌ వెల్లడించారు. ఇందులో భాగంగా తొలుత టాటా గ్రూపు ఓ రీసెర్చ్ అండ్‌ డెవలప్‌మెంట్‌ (ఆర్‌ అండ్‌ డి) విభాగాన్ని ప్రారంభించాలని నిర్ణయించింది.

అయితే ఇందుకు సంబంధించి మరిన్న వివరాలను వెల్లడించేందుకు మాత్రం ఆయన నిరాకరించారు. ప్రంపంచంలోనే అత్యంత చౌకధరకే టాటా నానో కారును ప్రవేశపెట్టిన రతన్ టాటా, నీటితో నడిచే ఓ కారును రూపొందింటడం తాను కంటున్న కల అని ఒకానొక సందర్భంలో సంకేతమాత్రంగా చెప్పడం జరిగింది. ఈ మేరకు అమెరికాలోని మాసాచుసెట్స్ ఇనిస్టిట్యూట్ ఆఫ్ టెక్నాలజీ ఈ వాటర్ కార్‌ను రూపోందిస్తోంది. ఇందుకు గానూ రతన్ టాటా 1.50 కోట్ల అమెరికా డాలర్లను పెట్టుబడిగా వెచ్చించినట్లు సమాచారం. నీటిలో ఉండే హైడ్రోజన్, ఆక్సిజన్‌లను విడగొట్టడం ద్వారా వచ్చే శక్తితో కారు నడిచేలా రూపకల్పన చేస్తున్నారు.