మ్యాజిక్ ఐరిస్, ఏస్ జిప్‌లను విడుదల చేసిన టాటా మోటార్స్

Published: Tuesday, May 10, 2011, 17:52 [IST]

ప్రముఖ వాహనాల తయారీ సంస్థ టాటా మోటార్స్ మంగళవారం మరో రెండు కొత్త ఉత్పత్తులను ప్రవేశపెట్టింది. త్రిచక్ర ఆటోలకు ప్రత్యామ్నాయంగా రూపొందించిన 3-4 సీటర్, ఫోర్-వీల్ ప్యాసింజర్ వాహనం "మ్యాజిక్ ఐరిస్"ను కంపెనీ మార్కెట్లోకి విడుదల చేసింది. దీనితోపాటుగా 600 కేజీల పేలోడ్ సామర్థ్యం కలిగిన ఓ మైక్రో-ట్రక్ "ఏస్ జిప్"ను కంపెనీ విడుదల చేసింది. మార్కెట్లో మ్యాజిక్ ఐరిస్ ధర రూ. 1.95 లక్షలుగానూ, ఏస్ జిప్ ట్రక్ ధర రూ. 1.90 లక్షలు (ఎక్స్-షోరూమ్ థానే, ముంబైకు సమీపం)గానూ ఉన్నాయి.

మ్యాజిక్ ఐరిస్ ప్యాసింజర్ వాహనం 611సీసీ సామర్థ్యం కలిగిన వాటర్-కూల్డ్ ఇంజన్‌తో 11 హెచ్‌పిల శక్తిని విడుదల చేస్తుంది. ఇది ఒక సంవత్సరం లేదా 36,000 కిలోమీటర్ల వారంటీతో లభిస్తుంది. ఆర్కిటిక్ వైట్, రూబీ రెడ్, స్కూల్ యల్లో, జెట్ బ్లాక్ రంగులలో ఇది లభిస్తుంది. ఇకపోతే ఏస్ జిప్ కూడా ఒక సంవత్సరం లేదా 36,000 కిలోమీటర్ల వారంటీతో లభిస్తుంది. సబ్-600 కేజీ వాహన విభాగంలో వాటర్-కూల్డ్ ఇంజన్‌తో లభిస్తున్న ఏకైక వాహన ఏస్ జిప్ మైక్రో ట్రక్ కావడం విశేషం.

Article Published On: Tuesday, May 10, 2011, 17:52 [IST]

English summary

Tata Motors today launched the Tata Magic IRIS a 3-4 seater four-wheel passenger vehicle and the Tata Ace Zip micro-truck. Tata Motors has said the Magic IRIS would be an ideal alternative for people travelling in three wheelers. The Ace Zip is being touted as an advanced micro-truck capable of a carrying a payload of 600kg.

More from DriveSpark