స్పెయిన్ నుంచి 10 హైబ్రిడ్ బస్సుల ఆర్డర్ పొందింన టాటా

Published: Monday, June 20, 2011, 9:01 [IST]

టాటా మోటార్స్ కంపెనీకు మరో బంపర్ ఆర్డర్ లభించింది. టాటా ఇటీవల రూపొందించిన సిఎన్‌జి ఎలక్ట్రిక్ హైబ్రిడ్ బస్సులకు అంతర్జాతీయ మార్కెట్ల నుంచి మంచి స్పందన లభిస్తోంది. స్పెయిన్ దేశం నుంచి సిఎన్‌జి-ఎలక్ట్రిక్‌ హైబ్రిడ్‌ బస్సుల ఆర్డర్‌ దక్కిందని కంపెనీకి ఉన్నతాధికారి ఒకరు వెల్లడించారు. "మాకు ఓవర్‌సీస్ (స్పెయిన్) మార్కెట్ల నుంచి 10 హైబ్రిడ్ బస్సుల ఆర్డర్ లభించింది. భవిష్యత్తులో విదేశీ మార్కెట్ల నుంచే కాకుండా దేశీయ మార్కెట్ల నుంచి ఆర్డర్లు రావచ్చునని మేము అంచనా వేస్తున్నాం" అని టాటా మోటార్స్ అధ్యక్షుడు (వాణిజ్య వాహనాలు) రవి పిషరోడీ తెలిపారు.

ఢిల్లీ రోడ్డు రవాణా సంస్థ (డీటీసీ) నుంచి కూడా ఈ సిఎన్‌జి బస్సులకు ప్రోత్సాహకర స్పందన లభించిందని, ఇటీవల జరిగిన కామన్‌వెల్త్ క్రీడలకు టాటా మోటార్స్ నాలుగు సీఎన్‌జీ-ఎలక్ట్రిక్ హైబ్రిడ్‌ బస్సులను డీటీసీకి బహుకరించిందని ఆయన తెలిపారు. అంతేకాకుండా మరో రెండు బస్సులను ముంబయి రవాణా సంస్థ బెస్ట్ (BEST)కు సిఎన్‌జి-ఎలక్ట్రిక్ హైబ్రిడ్ లోఫ్లోర్‌ స్టార్‌బస్సులను ట్రైల్ రన్ కోసం కంపెనీ అందజేసింది. తమ హైబ్రిడ్‌ స్టార్‌బస్సుల సాధారణ బస్సులతో పోలిస్తే మైలేజ్ అధికంగా ఉండటమే కాకుండా పర్యావరణ కాలుష్యం కూడా తగ్గుతుందని రవి చెప్పారు. ఈ ఏడాది చివరి నాటికి డీజిల్‌ ఎలక్ట్రిక్‌ హైబ్రిడ్‌ బస్సులను రాష్ట్ర రవాణా సంస్థలకు ట్రైల్‌ రన్ కోసం అందజేసేందుకు కంపెనీ సన్నాహాలు చేస్తుంది.

Article Published On: Monday, June 20, 2011, 9:01 [IST]

English summary

Country's auto gaint Tata Motors receiving a good response for its latest CNG-electric hybrid buses from domestic and overseas markets. The company has secured an order for 10 buses from Spain, he said."We have received an order for 10 hybrid buses from overseas markets (Spain). We expect demand for these buses to increase, not only overseas but also domestically," Tata Motors President (Commercial Vehicles) Ravi Pisharody said here.

More from DriveSpark