విదేశాల్లో ప్లాంట్‌ల ఏర్పాటును పరిశీలిస్తున్న టాటా మోటార్స్

Published: Thursday, July 21, 2011, 10:21 [IST]

దేశీయ ఆటో దిగ్గజం టాటా మోటార్స్ విదేశాల్లో కూడా తన హవాను చాటాలనుకుంటోంది. వివిధ ఓవర్‌సీస్ దేశాల్లో కంపెనీ తమ ఉత్పత్తి కేంద్రాలను ప్రారంభించాలనుకుంటోంది. టాటా మోటార్స్ తాజాగా విడుదల చేసిన తమ 2010-11 వార్షిక నివేదికలో ఈ విషయాన్ని వెల్లడించింది. అంతేకాకుండా మరింత ఇంధన సామర్థ్యం కలిగిన వాహనాలు ఇటు దేశీయ అటు అంతర్జాతీయ మార్కెట్ల కోసం ఉత్పత్తి చేయనున్నట్లు కంపెనీ పేర్కొంది. ఈ అంశంపై అంతర్జాతీయ మార్కెట్లను కంపెనీ క్షుణ్ణంగా అధ్యయనం చేస్తోందని టాటా మోటార్స్ ఆ నివేదికలో తెలిపింది.

అయితే, ప్లాంట్ల ఏర్పాటుకు ఏయే దేశాలను ఎన్నుకున్న విషయాన్ని మాత్రం కంపెనీ తన నివేదికలో ప్రస్తావించలేదు. కాగా.. ఇప్పటికే టాటా మోటార్స్ ఈ నెల ఆరభంలో తమ విదేశీ ప్రణాళికల గురించి ఓ ప్రకటన చేసిన సంగతి తెలిసిందే. దక్షిణాఫ్రికాలో అసెంబ్లింగ్‌ ప్లాంట్‌ను ఏర్పాటు చేసేందుకు టాటా ప్రయత్నిస్తోంది. అంతేకాకకుండా.. తమ ముద్దుల కారు 'టాటా నానో'ను అంతర్జాతీయ మార్కెట్లలోనే ఉత్పత్తి చేసేందుకు కూడా ప్రణాళికలు సిద్ధం చేస్తున్నట్లు గత ఏప్రిల్‌లో టాటా ఇండస్ట్రీస్‌ మేనేజింగ్‌ డైరెక్టర్‌ కిశోర్‌ ఎ చౌకర్‌ తెలిపారు. ఇందుకు లాటిన్ అమెరికా, ఆగ్నేయ ఆసియాలను పరిశీలిస్తున్నట్లు ఆయన తెలిపారు. ప్రస్తుతం టాటా మోటార్స్‌కు థాయిలాండ్‌, బంగ్లాదేశ్‌లలో ట్రక్‌ అసెంబ్లింగ్‌ ప్లాంట్లు ఉన్నాయి.

Article Published On: Thursday, July 21, 2011, 10:21 [IST]

English summary

Indian auto major Tata Motors will consider setting up manufacturing facilities in various overseas countries as it looks to expand its global presence, Company said in its Annual Report for 2010-11.

More from DriveSpark