టాటా మోటార్స్ విదేశీ విక్రయాలలో 9 శాతం వృద్ధి

Published: Saturday, April 16, 2011, 11:22 [IST]

టాటా గ్రూపు అనుబంధ సంస్థ టాటా మోటార్స్ మార్చి నెల విదేశీ విక్రయాలలో 9 శాతం వృద్ధిని సాధించినట్లు ప్రకటించింది. వాణిజ్య, ప్యాసింజర్ వాహనాలకు డిమాండ్ ఊపందుకోవడంతో మార్చి, 2011లో జాగ్వార్ ల్యాండ్ రోవర్‌తో కలిపి మొత్తం 1,10,785 యూనిట్లను విక్రయించినట్లు కంపెనీ ఓ ప్రకటనలో పేర్కొంది. అలాగే.. ఏప్రిల్ 2010 - మార్చి 2011 ఆర్థిక సంవత్సరానికి మొత్తం అమ్మకాలు 24 శాతం వృద్ధితో 10,81,245 యూనిట్లకు చేరాయని కంపెనీ తెలిపింది.

ఇకపోతే.. మార్చి నెలలో టాటా, టాటా దేవూ, టాటా హిస్పానో కరోసెరా వంటి వాణిజ్య వాహన గ్లోబల్ విక్రయాలు 17 శాతం వృద్ధి చెంది 56,814 వాహనాలను విక్రయించామని కంపెనీ తెలిపింది. పూర్తి ఆర్థిక సంవత్సరానికి గానూ మొత్తం వాణిజ్య వాహన విక్రయాలు 24 శాతం వృద్ధితో 5,12,269 యూనిట్లు అమ్ముడయ్యాయి. అలాగే.. మార్చిలో గ్లోబల్ ప్యాసింజర్ వాహన విక్రయాలు 53,971 యూనిట్లు అమ్ముడయ్యాయి. పూర్తి ఆర్థిక సంవత్సరానికి గానూ.. ప్యాసింజర్ వాహనాలలో 24 శాతం వృద్ధి చెంది 5,68,976 యూనిట్లు అమ్ముడయ్యాయి.

Article Published On: Saturday, April 16, 2011, 11:22 [IST]

English summary

The Tata Motors Group global wholesales, including Jaguar Land Rover, were 110,785 nos. in March 2011, a growth of 9% over March 2010. Cumulative sales for the fiscal (April 2010 - March 2011) are 1,081,245 higher by 24% compared to the corresponding period in 2009-10.

More from DriveSpark