పెద్దగా మార్పు లేని టాటా మోటార్స్ క్యూ1 లాభాలు

Published: Thursday, August 11, 2011, 17:55 [IST]

దేశీయ ఆటోమొబైల్ దిగ్గజం టాటా మోటార్స్, ప్రస్తుత ఆర్థిక సంవత్సరం తొలి త్రైమాసికంలో నిరాశాజనక ఫలితాలను నమోదు చేసుకుంది. 2011-12 ఆర్థిక సంవత్సరం జూన్ 30తో ముగిసిన తొలి త్రైమాసికం (క్యూ1)లో కంపెనీ కన్సాలిడేటెడ్ నికర లాభం గతేడాదితో పోలిస్తేగా పెద్దగా చెప్పుకోదగిన మార్పు లేకుండా రూ. 2,000 కోట్లుగా నమోదైంది. గడచిన ఆర్థిక సంవత్సరం (2010-11) ఇదే త్రైమాసికంలో నికర లాభం రూ. 1,988 కోట్లుగా ఉన్నట్లు టాటా మోటార్స్ పేర్కొంది.

కాగా.. ఈ త్రైమాసికంలో కంపెనీ కన్సాలిడేటెడ్ నికర అమ్మకాలు మాత్రం 23 శాతం వృద్ధి చెంది రూ. 33,392 కోట్లుగా ఉన్నాయి. గతేడాది ఇదే సమయంలో కంపెనీ అమ్మకాలు రూ. 27,055 కోట్లుగా ఉన్నాయి. ఇకపోత.. క్యూ1లో టాటా మోటార్స్‌కు చెందిన బ్రిటీష్ యూనిట్, ప్రముఖ లగ్జరీ కార్ల తయారీ సంస్థ జాగ్వార్ ల్యాండ్ రోవర్ (జెఎల్ఆర్) అమ్మకాలు మాత్రం 28.4 శాతం వృద్ధి చెంది రూ. 19,776 కోట్లకు పెరిగాయి. గతేడాది ఇదే కాలానికి జెఎల్ఆర్ అమ్మకాలు రూ. 15,396 కోట్లుగా ఉన్నాయి.

Article Published On: Thursday, August 11, 2011, 17:31 [IST]

English summary

Tata Motors reported an almost flat consolidated net profit of Rs 2,000 crore for the quarter ended June 30, 2011. It posted Rs 1,988 crore for the corresponding period a year ago. But company's British unit Jaguar Land Rover sales jumped 28.4% to Rs 19,776 crore from Rs 15,396 crore.

More from DriveSpark