జనవరి అంతర్జాతీయ విక్రయాలలో కోలుకున్న టాటా మోటార్స్

మొత్తం విక్రయాలలో లగ్జరీబ్రాండ్‌ కారు అయిన "జాగుర్‌ లాండ్‌ రోవర్‌" విక్రయాలు జనవరిలో 20,377 పెరిగి, గతేడాదితో పోలిస్తే 25 శాతం వృద్ధిని సాధించాయని టాటా మోటర్స్‌ తెలిపింది. అలాగే.. జనవరి నెలలో లగ్జరీ సెడాన్ జాగుర్‌ విక్రయాలు 3 శాతం పెరిగి 3,056 యూనిట్లకు చేరుకోగా.. లాండ్‌ రోవర్‌ విక్రయాలు 30 శాతం పెరిగి 17,321 యూనిట్లకు పెరిగాయి.

ఇక ప్యాసింజర్‌ వాహనాల విషయానికి వస్తే.. జనవరి, 2011లో ఇవి 17 శాతం వృద్ధి చెంది 53,183 యూనిట్లకు పెరిగాయి. వాణిజ్య వాహన విక్రయాలు 14 శాతం పెరిగి 45,815 యూనిట్లకు చేరుకున్నాయి. ఈ ఆర్థిక సంవత్సరం ఏప్రిల్-జనవరి కాలానికి గానూ మొత్తం విక్రయాలు 17 శాతం పెరిగి 8,68,583 యూనిట్లకు చేరుకున్నట్లు కంపెనీ వివరించింది.