భారీగా తగ్గించిన టాటా నానో డౌన్ పేమెంట్!!

గతంలో టాటా నానో స్టాండర్డ్ వేరియంట్‌కు రూ. 35,000 లుగా ఉన్న డౌన్ పేమెంట్‌ను ప్రస్తుతం రూ. 15,000 లకు తగ్గించడం జరిగింది. మిగిలిన మొత్తన్ని సులభ వాయిదాల పద్ధతి (ఈసీ మంత్లీ ఇన్‌స్టాల్‌మెంట్స్)లో చెల్లించాల్సి ఉంటుంది. మరోవైపు రాష్ట్రంలో టాటా నానో కార్లకు పెరుగుతున్న ఆదరణ పట్ల కంపెనీ ఛైర్మన్ రతన్ టాటా సంతోషాన్ని వ్యక్తం చేస్తున్నారు. ఇటీవలి విజయవాడ నగరాన్ని సందర్శించిన ఆయన టాటా వినియోగదారులకు స్వయంగా తాళం చెవులను అందజేశారు.

ఈ స్కీమ్ ద్వారా ఓ హై-ఎండ్ మోటార్‌సైకిల్‌ను కొనాలనుకునే కొనుగోలుదారులు సులభంగా ఈ బుజ్జి కారును సొంతం చేసుకోవచ్చు. పెరుగుతున్న వడ్డీ రేట్లు, ఇంధన ధరలతో మందగించిన అమ్మకాలకు కాస్తంత ఊతమిచ్చేందుకు కంపెనీ ఈ ఆఫర్‌ను ప్రకటించినట్లు తెలుస్తోంది. ఇది పరిమిత కాలపు ఆఫర్ మాత్రమే. ఈ డిస్కౌంట్ కారణంగా టాటా నానో కారును కొనుగోలు చేసుకున్న వినియోగదారులు పండుగ సీజన్‌ను మరింత ఆనందదాయకంగా జరుపుకోవచ్చనని కంపెనీ ప్రతినిధి ఒకరు అన్నారు.