టాటా నానో కొనుగోలుదారులలో 50% మంది తొలిసారి కొనేవారే!

Published: Monday, April 11, 2011, 10:02 [IST]

టాటా మోటార్స్ బుజ్జి కారు నానోను ఇష్టపడుతున్న వారి సంఖ్య మళ్లీ ఊపందుకుందుంది. మొన్నామధ్య కాలంలో కొన్ని నానో కార్లు మంటల్లో భగ్గుమనడంతో చల్లబడిన నానో జోరు మళ్ల శరవేగంగా విస్తరిస్తుంది. నానో కారు కొనుగోలు చేయాలని ఆసక్తి కలిగిన వారు ప్రతి నెలా 1.1 లక్ష మంది టాటా మోటార్స్ "ప్రజల కారు" గురించి విచారణ చేస్తున్నట్లు కంపెనీ ఉన్నతాధికారి ఒకరు వెల్లడించారు. నానో కారును కొనుగోలు చేసేవారిలో సగం (50 శాతం) మంది వినియోగదారులు కొత్త వారేనని, వీరంతా మొదటిసారిగా నానోకారునే కొనుగోలు చేస్తున్నారని టాటా మోటార్స్‌ ఉపాధ్యక్షుడు (ప్యాసింజర్‌ కార్ బిజినెస్) ఆర్ రామకృష్ణన్‌ తెలిపారు.

టాటా నానోను విడుదల చేసినప్పుడు కొనుగోలుదారుల్లో 80 శాతం మంది తమ రెండవ కారుగా నానోను కొనుగోలు చేశారని, కానీ ప్రస్తుతం చిన్న కారు అమ్మకాల్లో దాదాపు సగం మంది తొలిసారి కారును కొనుగోలు చేసే వారు ఉండగా.. మిగిలిన వారు ఇప్పటికే వేరే ఏదో ఒక బ్రాండ్ కారును కలిగి ఉండి రెండవ కారుగా నానోను కొనుగోలు చేస్తున్నారని ఆయన చెప్పారు. తొలిసారిగా నానో కారును కొనుగోలు చేసేవారి సంఖ్య రానున్న కాలంలో 80 శాతానికి పెరవచ్చునని రామకృష్ణన్‌ ఆశాభావం వ్యక్తం చేశారు. టాటా నానో కార్లకు డిమాండు పెరుగుతున్న నేపథ్యంలో గుజరాత్‌లోని సనంద్‌ ప్లాంట్‌లో నానో కార్ల ఉత్పత్తి సామర్థ్యాన్ని పెంచనున్నానమి ఆయన చెప్పారు.

Article Published On: Monday, April 11, 2011, 10:02 [IST]

English summary

Tata Motors "People Car" Nano sales are increasing rapidly. Tata Nano is being bought by more first time car buyers. This represents a big shift as 80% of Nano sales, initially was from second car buyers. This percentage has dropped to 50% and Tata motors expects that in the future, only 20% of Nano sales will come from second car buyers.

More from DriveSpark