నేపాల్‌లో దూసుకుపోతున్న 'చీప్ కార్' టాటా నానో!

Published: Friday, July 8, 2011, 16:48 [IST]

ప్రపంచంలోనే అత్యంత చవకైన కారు 'టాటా నానో' నేపాల్‌లో సూపర్ హిట్ అయింది. విడుదలైన మూడు రోజుల్లోనే 200కు పైగా బుకింగ్‌లు వచ్చినట్లు సమాచారం. జూన్ 26న నేపాల్‌ మార్కెట్లోకి టాటా నానో ప్రవేశించింది. పదిరోజుల పాటు నానో కారు కోసం టాటా మోటార్స్ ప్రారంభించింది. అధిక కస్టమ్ డ్యూటీలున్న నేపాల్ మార్కెట్లో టాటా నానో కారు అంచనాలకు మించి స్పందన వస్తోంది. నేపాల్ మార్కెట్లో ఆ దేశ కరెన్సీ ప్రకారం టాటా నానో ధర 7.98 లక్షల ఎన్‌పిఆర్‌లు (నేపాల్ రూపీ). మన దేశ కరెన్సీతో పోలిస్తే దీని విలువ సుమారు. రూ. 4.94 లక్షలు.

అదే మన దేశంలో అయితే టాటా నానో ఎక్స్-షోరూమ్ ధర రూ. 1.50 లక్షల నుంచి రూ. 2 లక్షల వరకూ ఉంది. కాగా.. నేపాల్‌లో స్టాండర్డ్ వేరియంట్ నానో కారును 10,000 ఎన్‌పిఆర్‌లకే బుకింగ్ చేయగా, సిఎక్స్ వేరియంట్ 20,000 ఎన్‌పిఆర్‌లకు, ఎల్ఎక్స్ వేరియంట్ 30,000 ఎన్‌పిఆర్‌లకు బుకింగ్ చేసింది. ప్రతి నెలా 11,111 ఎన్‌పిఆర్‌లను చెల్లించే విధంగా ఈఎమ్ఐ స్కీమ్‌లో టాటా నానో కారును కొనుగోలు చేయవచ్చు. నేపాల్ కంటే ముందు శ్రీలంక మార్కెట్లోకి టాటా నానో ప్రవేశించిన సంగతి తెలిసిందే. ఆ సమయంలో నానో కారు వల్ల తమ ఉపాధి దెబ్బతింటోందని నేపాల్ ఆటో వర్కర్ల యూనియన్లు సమ్మె కూడా చేయడం జరిగింది. కానీ, నేపాల్‌లో మాత్రం టాటా నానో ఎలాంటి చేదు అనుభవాలు ఎదురవ్వలేదు.

Article Published On: Friday, July 8, 2011, 16:46 [IST]

English summary

The Tata Nano which was recently launched in Nepal has emerged as a big seller with bookings for the little Indian car crossing 200 units within days of its launch. There have been heavy crowds wanting to see the Tata Nano at showrooms despite the Nano's high price due to import duties. Bookings for the Nano have been consistently high. The Tata Nano has also been a sales success in Sri Lanka.

More from DriveSpark