కాల్ టాక్సీగా మారిన టాటా నానో..: స్త్రీలే క్యాబ్ డ్రైవర్లు

Published: Thursday, June 9, 2011, 18:12 [IST]

సాధారణంగా మనం తక్కువ దూరం కలిగిన ప్రయాణాలకు, బస్సులు/లోకల్ రైళ్లు లేని ప్రదేశాలకు మూడు చక్రాల ఆటోలను ఆశ్రయిస్తుంటాం. కానీ శ్రీలంక ప్రజలు మాత్రం ఇకపై ఆటోలకు బదులు టాటా నానో కారును ఉపయోగించనున్నారు. రతన్ టాటా కలల నుంచి పుట్టుకొచ్చిన ప్రజల కారు నానో శ్రీలంకలో కాల్ టాక్సీగా మారిపోయింది. ఇటీవలే శ్రీలంక ద్వీపంలోకి ప్రవేశించిన నానో కార్లు ఇప్పుడు శ్రీలంక టాక్సీ మార్కెట్లోకి అడుగుపెట్టాయి. శ్రీలంకు చెందిన ఓ స్థానిక క్యాబ్ కంపెనీ 45 టాటా నానో కార్లతో ఓ ప్యాసింజర్ కాల్ టాక్సీ వ్యాపారాన్ని ప్రారభించింది.

ఖరీదైన ఏసి కాల్ టాక్సీల్లో ప్రయాణమంటే కాస్తంత ఖర్చుతో కూడుకున్న పని కావడంతో, ప్రజలకు త్రీవీలర్ ఆటోల కన్నా సౌకర్యవంతమైన ప్రయాణాన్ని, తక్కువ ధరకే అందించేందుకు ఈ వ్యాపారాన్ని ప్రారంభించినట్లు నానో టాక్సీ కంపెనీ ప్రతినిధి ఒకరు వెల్లడించారు. జపాన్, కొరియన్ దేశాల్లో తయరైన సెడాన్ కార్లను ఉపయోగించి ఇతర కాల్ టాక్సీ కంపెనీలు వసూలు చేస్తున్న దానిలో సగం ధరకే తాము క్యాబ్ సేవలందిస్తున్నట్లు ఆయన తెలిపారు. నానో టాక్సీ కంపెనీలో క్యాబ్‌లను డ్రైవ్ చేసేవారు స్త్రీలు కావడం ఇందులో కొసమెరుపు.

Article Published On: Thursday, June 9, 2011, 18:12 [IST]

English summary

Tata Motors proud small car Tata Nano turned as Call Taxi in Sri Lanka. The world's cheapest car, today entered Sri Lanka's lucrative taxi market with a fleet of 45 cars. A local company launched the service as an alternative to expensive air conditioned taxis, but more comfortable than the ubiquitous three-wheel taxi.

More from DriveSpark