టాటా నానో కారుపై రూ. 20,000 వరకూ డిస్కౌంట్స్!

Published: Wednesday, August 10, 2011, 12:03 [IST]

చౌక కారు టాటా నానో ఇప్పుడు మరింత చౌక ధరకే లభించనుంది. టాటా నానో స్టాండర్డ్ వేరియంట్‌ను మొదలుకొని వివిధ మోడళ్లపై రూ. 15,000 నుంచి రూ. 20,000 వరకూ డిస్కౌంట్లను కంపెనీ ఆఫర్ చేస్తోంది. టాటా నానో కారుపై కొనుగోలుదారుల నుంచి తగ్గుతున్న ఆదరణ, తగ్గిన అమ్మకాలు మరియు రానున్న పండుగ సీజన్‌ను దృష్టిలో ప్రజల కారును ప్రజలకు మరింత చేరువ చేసేందుకు కంపెనీ ఈ నగదు ప్రోత్సాకాలను ఆఫర్ చేస్తున్నట్లుగా తెలుస్తోంది.

టాటా నానో కారును తొలుత 2009లో పరిచయం చేసినప్పుడు అప్పటి మార్కెట్ పరిస్థితులకు అనుగుణంగా ఈ కారు ధరను లక్ష రూపాయాలుగా కంపెనీ నిర్ణయించింది. అయితే.. పశ్చిమ బెంగాల్‌లో ఉన్న టాటా నానో ప్లాంటుకు సింగూర్ ప్రజల నుంచి ఎదురైన తిరుగుబాటు ఫలితంగా కంపెనీ కొంత పెట్టుబడులను నష్టపోవడం మరీ ముఖ్యంగా ఇటీవల కాలంలో ఆకాశాన్ని తాకుతున్న ముడిసరుకుల ధరల కారణంగా లక్ష రూపాయల కారు కాస్తా.. లక్షన్నర రూపాయల కారుగా మారింది.

కాగా.. ప్రస్తుతం మందగిస్తున్న కంపెనీ వృద్ధి రేటును నిలబెట్టుకునేందుకు మరియు చిన్న కార్ల విభాగంలో గట్టి పోటీ ఇచ్చేందుకు టాటా నానోపై కంపెనీ ఈ డిస్కౌంట్లను ఆఫర్ చేయనుంది. టాటా నానో స్టాండర్డ్ వేరియంట్‌పై రూ. 15,000 డిస్కౌంట్‌ను, నానో ఎల్ఎక్స్ మరియు నానో సిఎక్స్ వేరియంట్లపై రూ. 20,000 డిస్కౌంట్‌ను కంపెనీ అందించనుంది.

Article Published On: Wednesday, August 10, 2011, 12:03 [IST]

English summary

The cheap car Tata Nano will become more cheaper in coming festive season. It is heared that, The company is offering a price discount of Rs. 15, 000 to Rs. 20,000 different variants of Tata Nano starting from standard variant.

More from DriveSpark