బిగ్ బజార్‌ రీటైల్ షోరూమ్‌లలో టాటా నానో విక్రయాలు

Published: Wednesday, March 16, 2011, 18:39 [IST]

ఉప్పు-పప్పు నుంచి గృహావసరాలకు కావలసిన అన్ని వస్తువులు లభించే ఒకే ఒక్క చోటు సూపర్ మార్కెట్. సూపర్ మార్కెట్ రంగంలో చాలా కంపెనీలు పోటీ పడుతూ చౌక ధరలకే నిత్యావసర వస్తువులను అందిస్తున్న సంగతి తెలిసిందే. ఇలాంటి చౌక ధరల దుకాణాల్లో చౌక ధర కలిగిన కారు లభిస్తే ఎలా ఉంటుంది. ఇప్పుడు ఉప్పు, పప్పుతో పాటు వాటిని ఇంటికి తెచ్చుకునేందుకు ఆటోకు బదులు ఓ కొత్త కారునే కొనుక్కొని అదే కారులో ఆ సరుకులను ఇంటికి తెచ్చుకోవచ్చు. అదెలా అంటారా.. టాటా మోటార్స్ సంస్థ అందిస్తున్న చౌక కారు "టాటా నానో" ఇకపై రీటైల్ సూపర్ మార్కెట్లలో కూడా లభ్యం కానుంది.

రీటైల్ వ్యాపారంలో అగ్రగామిగా ఉన్న "బిగ్ బజార్" (ఫ్యూచర్ గ్రూప్ సంస్థ) ఇకపై నానో కార్లను కూడా తమ సూపర్ మార్కెట్లలో విక్రయించనుంది. దేశవ్యాప్తంగా అన్ని రీటైల్ దుకాణాల్లో ఈ కారును విక్రయించేందుకు గల సాధ్యాసాధ్యాలను ఫ్యూచర్ గ్రూప్ పరిశీలిస్తోంది. ఓ రీటైల్ కంపెనీ ఇలా కార్లను విక్రయించడం దేశంలో ఇదే మొట్టమొదటిసారి. ఇప్పటికే బిగ్ బజార్ 450కు పైగా నానో కార్లను విక్రయించినట్లు పరిశ్రమ వర్గాల సమాచారం. గత ఫిబ్రవరి విక్రయాలతో పోల్చి చూస్తే ఇది 5 శాతం అధికం. అంటే ఇకపై బిగ్ బజార్‌ రీటైల్ షోరూమ్‌లలో ఉప్పు, పప్పులతో పాటు నానో కారును కూడా కొనుక్కోవచ్చన్నమాట.

Article Published On: Wednesday, March 16, 2011, 18:39 [IST]

English summary

Tata Motors has tied up with Future Group to sell its world's cheapest car Nano in Big Bazaar retail outlets. This is the first time a retail chain is selling a car in the country. Industry sources said, Big Bazaar has already sold more than 450 Nanos.

More from DriveSpark