సికెడి రూట్లో విదేశాల్లో నానో కారు అసెంబ్లింగ్ ప్లాంట్స్!!

Published: Tuesday, June 26, 2012, 16:25 [IST]

టాటా మోటార్స్ ప్రజల కారు 'టాటా నానో'కు దేశీయ మార్కెట్లో ఆదరణ తగ్గుతుంటే విదేశీ మార్కెట్లో మాత్రం ఆదరణ గణనీయంగా పెరుగుతోంది. ఈ నేపథ్యంలో అంతర్జాతీయ మార్కెట్ల నుంచి టాటా నానో కారుకు పెరుగుతున్న డిమాండును దృష్టిలో ఉంచుకొని విదేశాల్లోనే నానో కారు అసెంబ్లింగ్ ప్లాంట్లను ఏర్పాటు చేయాలని టాటా మోటార్స్ యోచిస్తున్నట్లు కంపెనీ మేనేజింగ్ డైరెక్టర్ (భారత కార్యకలాపాల విభాగం) పిఎమ్ తెలాంగ్ వెల్లడించారు.

టాటా నానో అసెంబ్లింగ్ ప్లాంటు కోసం ఆగ్నేయాసియా, లాటిన్ అమెరికా, సార్క్ దేశాలను పరిశీలిస్తున్నామని, ఈ మార్కెట్లు టాటా నానోకు ముఖ్యమైనవని ఆయన తెలిపారు. అంతర్జాతీయ మార్కెట్లలో టాటా నానో కారును సికెడి (కంప్లీట్లీ నాక్‌డ్ డౌన్) యూనిట్లుగా భారత్‌ నుంచి దిగుమతి చేసుకొని విదేశాల్లో అసెంబ్లింగ్ చేయనుంది. కాగా.. టాటా నానో ఇప్పటికే సిబియు (కంప్లీట్లీ బిల్ట్ యూనిట్) రూపంలో శ్రీలంక, నేపాల్ మార్కెట్లకు ఎగుమతి అవుతోంది.

Article Published On: Wednesday, August 3, 2011, 11:38 [IST]

English summary

Tata Motors is thinking to set up overseas assembly plants for its Peoples Car Tata Nano. “We are considering the option of assembling the Nano abroad through export of completely knocked down units (CKD), but there are no time lines,” the Tata Motors Managing Director, India Operations, Mr P.M. Telang said on Tuesday.

More from DriveSpark