ఇండో-ఈయూ ఒప్పందం: సగం ధరకే విదేశీ కార్లు..!

Published: Saturday, March 19, 2011, 10:49 [IST]

ఐరోపా సంయుక్త (ఈరోపియన్ యూనియన్) దేశాలతో స్వేచ్ఛా వాణిజ్య ఒప్పందం (ఎఫ్‌టిఏ) కోసం భారతదేశం చేస్తున్న ప్రయత్నాలు కార్యరూపం దాల్చిచే దేశంలో విలాసవంతమైన కార్లు (లగ్జరీ కార్లు) ప్రస్తుతం మార్కెట్‌లో ఉన్న ధరల కన్నా మరింత కారుచౌకగా లభించనున్నాయి. ఈ ఒప్పందం ఫలవంతమైతే.. యూరప్ నుంచి దిగుమతి చేసుకునే లగ్జరీ కార్ల ధరలు 38 శాతం వరకూ దిగిరానున్నాయి. బిఎమ్‌డబ్ల్యూ, ఆడి, మెర్సిడెస్ బెంజ్ వివిధ కంపెనీల లగ్జరీ కార్ల ధరలు భారీగా తగ్గే అవకాశాలున్నాయి.

ఈయూతో స్వేచ్ఛా వాణిజ్య ఒప్పందం (ఫ్రీ ట్రేడ్ అగ్రిమెంట్)పై భారత్ ఈ ఏడాది చివరి నాటికి సంతకాలు చేసే అవకాశాలున్నాయి. ఈ ఒప్పందంలో కార్లు కూడా ఉన్నందు వల్ల వీటిపై దిగుమతి సుంకాలు పూర్తిగా తొలగించే ఆస్కారం ఉంది. ఫలితంగా విదేశీ లగ్జరీ కార్లు ప్రస్తుత ధరకన్నా చాలా తక్కువ ధరలకు లభిస్తాయి. ఉదాహరణకు రూ. 80 లక్షలు ఉండే బిఎమ్‌డబ్ల్యూ కారుపై సుమారు రూ. 30 లక్షల మేర తగ్గింపు లభిస్తుంది. అలాగే.. స్వీడన్ నుంచి దిగుమతి చేసుకునే వొల్వో ఎక్స్‌సి 60 కారు ధర రూ. 40.5 లక్షల నుంచి రూ. 25 లక్షల వరకూ తగ్గవచ్చు.

Article Published On: Saturday, March 19, 2011, 10:49 [IST]

English summary

The proposed pact between India and the European nations will procure the reduction of prices to the luxury cars by 38%. The pact will entitle the waiver of import duties on auto segment which will directly reduce the unit price by 38%, it is learnt. This will pave way for the considerable lesser price for cars from BMW, Audi and Mercedes.

More from DriveSpark