గుర్గాన్‌-మనెసర్‌ పరిధిలోని పరిశ్రమలలో వాయిదా పడిన రెండు గంటల సమ్మె

న్యూఢిల్లీ: మారుతీ సుజుకీ మనెసర్‌ ప్లాంట్‌ సమ్మె 11వ రోజుకు చేరింది. కార్మిక సంఘానికి, యాజమాన్యానికి మధ్య పలుమార్లు జరిగిన చర్చలు విఫలమవుతుండటంతో సమ్మె ఇప్పట్లో ముగిసేలా కనిపించడంలేదు. మరోవైపు హర్యానా ముఖ్యమంత్రి భూపిందర్‌సింగ్‌ హూడాతోపాటు ఆ రాష్ట్ర లేబర్‌ కమీషనర్‌లు చేస్తున్న ప్రయత్నాలు ఫలించడంలేదు. చివరకు పార్లమెంట్‌ సభ్యుడు, సిపిఐ నేత గురుదాస్‌ దాస్‌గుప్తా..ఈ విషయంలో ప్రధాని జోక్యం చేసుకుని సమస్య పరిష్కారం దిశగా చర్యలు తీసుకోవాలని లేఖ రాశారు. కాగా సమ్మె కారణంగా ఇప్పటివరకు మనెసర్‌ ప్లాంట్‌లో 9వేల యూనిట్ల ఉత్పత్తి నిలిచిపోగా రూ.450 కోట్ల మేర నష్టం వాటిల్లినట్లు మారుతీ యాజమాన్యం ప్రకటించింది.

ఇదిలావుంటే డిమాండ్ల పరిష్కారం కోసం నిరవధిక సమ్మె చేస్తున్న మారుతీ ఉద్యోగులకు మద్దతుగా గుర్గాన్‌-మనెసర్‌ పారిశ్రామిక ప్రాంతం పరిధిలోని పరిశ్రమలలో రెండు గంటల పాటు జరగాల్సిన విధుల బహిష్కరణ వాయిదా పడింది. సుమారు 65 పరిశ్రమలలో పని చేస్తున్న ఉద్యోగులు ఈ కార్యక్రమంలో పాల్గొనాల్సి ఉండగా..ముఖ్యమంత్రి భూపిందర్‌ సింగ్‌ హుడా అభ్యర్థన మేరకు వాయిదా వేసినట్లు అఖిల భారత కాంగ్రెస్‌ వాణిజ్య సంఘం (ఎఐటియుసి) తెలిపింది. రెండు గంటల విధుల బహిష్కరణకు ఎఐటియుసితోపాటు సెంటర్‌ ఆఫ్‌ ఇండియన్‌ ట్రేడ్‌ యూనియన్స్‌ (సిఐటియు) మద్దతు పలికింది. అయితే కేవలం 24 గంటలు మాత్రమే వాయిదా పడిందని నేటి ఉదయం నుంచి రెండు గంటల విధుల బహిష్కరణలో అన్ని పరిశ్రమల కార్మికులు పాల్గొంటారని ఎఐటియుసి కార్యదర్శి డి.ఎల్‌ సచ్‌దేవ్‌ తెలిపారు.

More from DriveSpark

View More

• 
  ప్రతిరోజూ 635 డెలివరీలు.. రెండు కుటుంబాలను ఒక్కటి చేస్తుంది.. ఇండియాలో బెస్ట్ 7 సీటర్ ఇదే!
• 
  అయ్యయ్యో..! కస్టమర్లు రాక దోమలు కొట్టుకుంటున్న డీలర్లు.. మారుతి కారుకి కష్టకాలం!
• 
  రోజూ వందల మంది క్యూ కడుతున్నారు! రూ.3.70 లక్షలకే కారు.. 34 కి.మీ మైలేజ్
• 
  పేద–మిడిల్ క్లాస్‌కు దేవుడు.. మార్కెట్లో నంబర్ వన్! ప్రతిచోటా ఈ కంపెనీ షోరూమ్‌ల ముందు భారీ క్యూ
• 
  ఇండియా మోస్ట్ పాపులర్ కారును అతి తక్కువకే ఇస్తున్న మారుతి.. కారు కొనాలంటే ఎక్కువ మంది చెప్పేది ఇదే!
• 
  అందరి ఇంటి పేరుగా మారిపోయిన కారు.. ఈ సారి చిన్న బ్రేక్.. కానీ కథ ఇంకా ముగియలేదు!
• 
  ప్రతి నెలా వేల మంది ఇదే కారును కొంటున్నారు.. ఈ కారు మీద జనాలకు క్రేజ్ మామూలుగా లేదు!
• 
  ఒక్కకారు, 10 ఏళ్ల ప్రయాణం.. దారిలో 14 లక్షల మందిని పలకరించింది! హ్యాట్సాఫ్ టూ బ్రెజ్జా
• 
  లీటరుకు 20 కిమీ మైలేజ్..అదిరిపోయే స్పేస్..మారుతి ఎర్టిగా పని అయిపోయినట్లేనా ?