టొయాటా కిర్లోస్కర్ మోటార్ నుండి ఫ్రీ సర్వీసింగ్ క్యాంప్

జపనీస్ ఆటోమొబైల్ దిగ్గజం టొయోటా మోటార్ కార్పోరేషన్ భారత అనుబంధ సంస్థ అయిన టొయోటా కిర్లోస్కర్ మోటార్ తమ కార్ల యజమానులకు "సహానా సమ్మర్ సర్వీస్" పేరుతో ఫ్రీ సర్వీసింగ్ క్యాంప్‌ను అందిస్తున్నట్లు ప్రకటించింది. దేశవ్యాప్తంగా ఉన్న 122 డీలర్ల ద్వారా టొయోటా యజమానులు ఈ ఉచిత సర్వీసింగ్ క్యాంప్‌ ఆఫర్‌ను వినియోగించుకోవచ్చునని కంపెనీ ఓ ప్రకటనలో పేర్కొంది. ఏప్రిల్ నెల మొత్తం ఈ ఉచిత సర్వీసింగ్ క్యాంప్ అందుబాటులో ఉంటుందని, ఈ క్యాంప్‌లో భాగంగా అన్ని రకాల టొయాటా వాహనాలను ఉచితంగా తనీఖీ చేసి, వాహనాల్లో లోపాలేవైనా ఉంటే సవరించడం జరుగుతుందని కంపెనీ వివరించింది.

ఈ క్యాంప్‌లలో 20 పాయింట్ ఫ్రీ సర్వీస్ లభిస్తుందని, పూర్తి స్థాయి సర్వీస్ ప్యాకేజ్‌లను కూడా వినియోగదారులు ఎన్నుకోవచ్చునని కంపెనీ తెలిపింది. ఇవే కాకుండా 3,000 లక్కీ ప్రైజ్‌లు, డైలీ లక్కీ డ్రా వంటి ఆకర్షనీయమైన బహుమతులు కూడా ఉన్నాయని కంనీ పేర్కొంది. అసలే వస్తున్నవి వేసవి సెలవులు కావడంతో.. లాంగ్ ట్రిప్‌లు వెళ్లే వారిను దృష్టిలో ఉంచుకొని కంపెనీ ఈ ఉచిత సర్వీసింగ్ క్యాంప్‌ను ఆఫర్ చేస్తుంది. పైగా బిజీ బిజీగా ఉండే ఉద్యోగులకు కూడా ఈ సమ్మర్‌లో సెలవు దినాలు లభిస్తుండటంతో ఈ ఆఫర్‌ను వినియోగించుకేవాల్సిందిగా టొయోటా కోరింది.