ఫార్చ్యూనర్ యానివర్స్‌రే ఎడిఎషన్‌ కేవలం 250 కార్లు మాత్రమే!

భారత మార్కెట్లో విడుదలైన ఒక్క ఏడాదిలో 10,000కు పైగా ఫార్చ్యూనర్ కార్లు అమ్ముడుకావడంతో టొయోటా కిర్లోస్కర్ మోటార్ ప్రైవేట్ లిమిటెడ్ ఫార్చ్యూనర్ యానివర్స్‌రే ఎడిఎషన్‌‌ను భారత్‌కు తీసుకురావాలని సన్నాహాలు చేస్తుంది. ఆగస్టు 24, 2009లో విడుదలైన ఈ లగ్జరీ స్పోర్ట్స్ యుటిలిటీ కారు, ఈ కార్ విభాగంలో దాదాపు 60 శాతం మార్కెట్ వాటాను కొనసాగిస్తూ వస్తుంది. కాగా.. ఫార్చ్యూనర్‌లో కంపెనీ కొద్దిపాటి మార్పులు చేసి ఫార్చ్యూనర్ యానివర్స్‌రే ఎడిఎషన్‌‌గా మార్చింది.

ఈ మార్పుల్లో భాగంగా.. ఫ్రంట్ బంపర్ స్పాయిలర్, రియర్ బంపర్, రియర్ రూఫ్, క్రోమ్ ఫినిషింగ్‌తో కోటింగ్ చేసిన ఎగ్జాస్ట్ ముఫ్లర్‌తో అత్యంత స్టైలిష్‌గా దీన్ని తీర్చిదిద్దారు. ఇంకా ఈ కారు లోపలి భాగం విలాసవంతమైన ఫీచర్లను కలుగి ఉంటుంది. టొయోటా ఫార్చ్యూనర్ యానివర్స్‌రే ఎడిఎషన్‌ కేవలం 250 యూనిట్లు, అవి కూడా కేవలం పెరల్ వైట్ రంగులో మాత్రమే లభ్యమవుతాయి. ఈ 250 కార్లపై యానివర్స్‌రే ఎడిఎషన్‌ బ్యాడ్జ్‌ కూడా దర్శనమివ్వనుంది.