ఐదు లక్షలకు పైగా కార్లను రీకాల్ చేసిన టొయోటా

క్రాంక్‌షఫ్ట్ పుల్లీ ఇంజన్ లోపం కారణంగా పవర్ స్టీరింగ్ పనిచేయకపోతుండటంతో ఈ రీకాల్ చేస్తున్నట్లు టొయోటా తెలిపింది. అయితే, ఈ సమస్య కారణంగా ఇప్పటి వరకూ ఎలాంటి ప్రమాదాలు సంభవించలేదని టొయోటా స్పష్టం చేసింది. కాగా.. ఈ రీకాల్‌లో 2,83,200 టొయోటా కార్లు, 1,37,000 లెక్సస్ కార్లు ఉన్నాయి.

టొయోటా ఇప్పటికే ఇలాంటి ఎన్నో రీకాల్స్ జారీ చేసిన సంగతి తెలిసిందే. కేవలం అమెరికాలోనే కాకుండా జపాన్‌లో 38,000 కార్లను, ఆస్ట్రేలియా న్యూజిలాండ్‌లలో 25,000 కార్లను రీకాల్ చేసినట్లు టొయోటా అధికార ప్రతినిధి పేర్కొన్నారు. వీటిల్లో టొయోటా క్యామ్రీ, హైలాండర్, సియన్నా వంటి మోడళ్లు ఉన్నాయి.