భారత లగ్జరీ బైక్ మార్కెట్లోకి మరో ప్రిమీయం బ్రాండ్..!?

Published: Monday, June 20, 2011, 10:20 [IST]

భారత లగ్జరీ బైక్ మార్కెట్లోకి మరో ప్రిమీయం బ్రాండ్ ప్రవేశించనున్నట్లు సమాచారం. మార్కెట్ వర్గాల నివేదికల ప్రకారం బ్రిటన్‌కు చెందిన ప్రిమీయం బైక్‌ల తయారీ సంస్థ ట్రైయంప్ త్వరలోనే భారత్‌లో తమ బ్రాండ్‌ను ప్రవేశపెట్టేందుకు సన్నాహాలు చేస్తున్నట్లు తెలుస్తోంది. ప్రస్తుతం ట్రైయంప్ 30కు పైగా దేశాలలో కార్యకలాపాలను నిర్వహిస్తుంది. పూర్తిగా బ్రిటన్‌లో తయారైన ఉత్పత్తులను దేశీయ మార్కెట్లో సిబియూ (కంప్లీట్లీ బిల్డ్ యూనిట్స్)గా కంపెనీ అందించనుంది.

స్పోర్ట్స్, అడ్వెంచర్, సూపర్‌స్పోర్ట్స్, లగ్జరీ వంటి సెగ్మెంట్లలో ట్రైయంప్ మోటార్‌సైకిళ్లను అందిస్తుంది. ట్రైయంప్ అందిస్తున్న మోటార్‌సైకిళ్లలో బోన్‌విల్లే మరియు 675 ట్రిపుల్ బైక్‌లు సరికొత్త మార్కెట్ సెగ్మెంట్‌ను సృష్టించాయి. భారత్‌లో 800సీసీ మరియు అంతకు మించి ఇంజన్ సామర్థ్యం కలిగిన బైక్‌లను కంపెనీ అందించే అవకాశం ఉంది. బోన్‌విల్లే, రాకెట్ 3 సూపర్‌బైక్‌లను బారత రోడ్లపై చూసేందుకు బైక్ లవర్స్ ఎంతో ఆతృతతో ఎదురుచూస్తున్నారు.

Article Published On: Monday, June 20, 2011, 10:19 [IST]

English summary

British motorcycle brand, Triumph to launch super bikes in the Indian market soon. Attracted by the exponential growth of the Indian auto industry. The company is likely to make its entry in India via the CBU route and import motorcycles in the country for retail sale.

More from DriveSpark