Click it and Unblock the Notifications
ప్రమాదం జరిగిన వెంటనే బీమా: ఫ్యూచర్ జనరలి
ఈ సందర్భంగా ఫ్యూచర్ జనరలి ఇన్సూరెన్స్ కంపెనీ మేనేజింగ్ డైరెక్టర్ కె.జి కృష్ణమూర్తి రావు మాట్లాడుతూ.. వినియోగదారులకు మరింత వ్యక్తిగతమైన సేవలు అందించేందుకు మరియు మోటార్ క్లెయిమ్ల పరిష్కారాన్ని మరింత సులభంగా, వేగంగా నిర్వహించేందుకు టచ్ పాయింట్లను మెరుగుపరచడమే ఫ్యూచర్ ఎక్స్ప్రెస్, ఫ్యూచర్ ఎక్స్ప్రెస్ ప్లస్ పథకాల ప్రాధమిక లక్ష్యమని చెప్పారు.
కంపెనీ ప్రారంభించిన ఈ సేవల ద్వారా తమ వినియోగదారులకు సమయం ఆదా అవడంతో పాటుగా ఖర్చులు కూడా తగ్గుతాయని ఆయన తెలిపారు. ప్యూచర్ ఎక్స్ప్రెస్ పథకంలో వాహనం ప్రమాదానికి గురైన కొద్ది సేపట్లోనే కంపెనీ ఎగ్జిక్యూటివ్ సంఘటనా స్థలానికి చేరుకుని, అనంతరం వాహన మరమ్మత్తులకు అయ్యే ఖర్చును లెక్కించడం జరుగుతుంది. వాహన మరమ్మత్తులకు అయ్యే ఖర్చును సదరు సర్వీస్ సెంటర్కు చెల్లించడం జరుగుతుంది.
కాగా.. ఫూచర్ ఎక్స్ప్రెస్ ప్లస్ పథకం క్లెయిమ్ మరింత వేగంగా మరియు సౌలభ్యంగా ఉంటుంది. ఈ పథకంలో ప్రమాదం జరిగిన వెంటనే వాహనాన్ని సమీపంలో ఉన్న ఫ్యూచర్ జనరల్ కార్యాలయానికి తీసుకువెళ్లాలి. అనంతరం అక్కడ ఉన్న కంపెనీ టెక్నికల్ సిబ్బంది ద్వారా మరమ్మత్తులకు అయ్యే ఖర్చును లెక్కగట్టి, సదరు మొత్తంలో 20 శాతం తగ్గించుకొని సొమ్మును ముందుగానే వినియోగదారునికి చెల్లించడం జరుగుతుందని, వాహనదారుడు ఇతర సర్వీస్ సెంటర్లో మరమ్మత్తులు చేయిస్తే అందుకు అయిన మిగిలిన ఖర్చును వినియోగదారుని బ్యాంకు ఖాతాలో జమ చేయడం జరుగుతుందని కంపెనీ తెలిపింది.
ప్రస్తుతం ఫ్యూచర్ ఎక్స్ప్రెస్ పథకాన్ని చెన్నై, ముంబయిలోను మరియు ఫ్యూచర్ ఎక్స్ప్రెస్ ప్లస్ పథకాన్ని అహమ్మదాబాద్, కొల్హాపూర్, హైదరాబాద్, బెంగుళూరు, త్రివేండ్రంలో ప్రారంభించనున్నట్లు కృష్ణమూర్తి తెలిపారు. 2008లో ఫ్యూచర్ గ్రూప్ మోటారు వాహన బీమా రంగంలోకి ప్రవేశించింది. కంపెనీ అందిస్తున్న వాహన బీమాలో దాదాపు 70 వేల మంది సభ్యులు ఉన్నట్లు కంపెనీ పేర్కొంది.
Continue with Google