మైలేజ్‌లో ఇండికా ఈవీ2తో తలపడనున్న వెర్నా ఆర్‌బి

అయితే మైలేజ్ విషయంలో ఇండికా ఈవీ2కు ఏ మాత్రం తీసిపోనంటోంది హ్యుందాయ్ కొత్త కారు "వెర్నా ఆర్‌బి". దేశపు రెండవ అతిపెద్ద కార్ల తయారీ సంస్థ అయిన హ్యుందాయ్ త్వరలో మార్కెట్లో విడుదల చేయనున్న వెర్నా ఆర్‌బి సెడాన్ మోడల్ కారు ఆటోమోటివ్ రీసెర్చ్ అసోసియేషన్ ఆఫ్ ఇండియా (ఏఆర్ఏఐ) ప్రకారం.. లీటరుకు 23.5 కిలోమీటర్ల మైలేజ్‌ను ఇస్తుందని తేలింది.

అంటే ఇండికా ఈవీ2 తర్వాత అత్యధిక మైలేజ్‌నిచ్చే కారు వెర్నా ఆర్‌బినే అన్నమాట. ఇంకో విషయం ఏంటంటే.. క్రికెట్ ప్రపంచ కప్ 2011ను గెలుచుకొచ్చిన భారత జట్టు సభ్యులకు కూడా హ్యుందాయ్ ఇండియా కంపెనీ ఇదే కారును బహుమతిగా ఇవ్వనున్నట్లు ప్రకటించింది. హ్యుందాయ్ వెర్నా ఆర్‌బి నాలుగు వేరియంట్లలో లభిస్తుంది. రెండు సీఆర్‌డీఐ డీజిల్ ఇంజన్, రెండు ఎమ్‌పీఎఫ్ఐ పెట్రోల్ ఇంజన్ ఆప్షన్లలో ఇది లభ్యం కానుంది. 1.4 లీటర్ సీఆర్‌డీఐ డీజిల్ ఇంజన్‌తో లభించే వెర్నా ఆర్‌బి కారు లీటరు డీజిల్‌కు 23.5 కిలోమీటర్ల మైలేజ్‌ను ఇస్తుంది.

భారత రోడ్లపై హ్యుందాయ్ వెర్నా ఆర్‌బి సెడాన్ మైలేజ్ (ఏఆర్ఏఐ సర్టిఫైడ్):

హ్యుందాయ్ వెర్నా ఆర్‌బి - 1.4 లీటర్ ఎమ్‌పీఎఫ్ఐ పెట్రోల్ ఇంజన్ - 17.43 కి.మీ.
హ్యుందాయ్ వెర్నా ఆర్‌బి - 1.6 లీటర్ ఎమ్‌పీఎఫ్ఐ పెట్రోల్ ఇంజన్ - 17.01 కి.మీ.
హ్యుందాయ్ వెర్నా ఆర్‌బి - 1.4 లీటర్ సీఆర్‌డీఐ డీజిల్ ఇంజన్ - 23.50 కి.మీ.
హ్యుందాయ్ వెర్నా ఆర్‌బి - 1.6 లీటర్ సీఆర్‌డీఐ డీజిల్ ఇంజన్ - 22.32 కి.మీ.