మే, 2011లో 244 శాతం పెరిగిన ఫోక్స్‌వ్యాగన్ ఇండియా సేల్స్

Published: Tuesday, June 26, 2012, 16:07 [IST]

యూరప్‌కు చెందిన అతిపెద్ద కార్ల తయారీ సంస్థ ఫోక్స్‌వ్యాగన్‌ భారతీయ యూనిట్ 'ఫోక్స్‌వ్యాగన్‌ ఇండియా' గడచిన మే నెల విక్రయాలలో భారీ వృద్ధిని సాధించింది. మే 2011లో భారత మార్కెట్లో కంపెనీ మొత్తం 6,185 యూనిట్లను విక్రయించి రికార్డు సృష్టించింది. అంతకుముందు సంవత్సరంలో ఇదే సమయానికి కంపెనీ విక్రయాలు కేవలం 1,796 యూనిట్లుగా మాత్రమే ఉన్నట్లు కంపెనీ తెలిపింది. మే నెల విక్రయాలలో ఫోక్స్‌వ్యాగన్‌ అందిస్తున్న హ్యాచ్‌బ్యాక్ వేరియంట్ కారు పోలో, ఎంట్రీ లెవల్ సెడాన్ కారు వెంటో విక్రయాలే అధికంగా ఉన్నట్లు కంపెనీ పేర్కొంది.

కంపెనీ మొత్తం మే నెల విక్రయాలలో 5,889 యూనిట్లు పోలో, వెంటో మోడళ్లే ఉన్నాయి. భారత మార్కెట్లో ఇంత భారీ విజయం సాధించడానికి ఈ రెండు మోడళ్లే కారణమని కంపెనీ తెలిపింది. కాగా.. కంపెనీ ఇటీవలే ప్రవేశపెట్టిన బ్లూమోషన్ టెక్నాలజీ పస్సాట్ కారు గత నెలలో 184 యూనిట్లు అమ్ముడయ్యాయి. ఇక ఈ ఏడాది జనవరి నుంచి మే నెల వరకూ ఫోక్స్‌వ్యాగన్ విక్రయాలను పరిశీలిస్తే కంపెనీ మొత్తం విక్రయాలు 33,958 యూనిట్లు అమ్ముడయ్యాయి. అంతకు ముందు ఇదే కాలానికి ఇవి 32,627 యూనిట్లుగా ఉన్నట్లు కంపెనీ తెలిపింది.

Article Published On: Friday, June 3, 2011, 11:49 [IST]

English summary

European largest car maker Volkswagen Indian unit Volkswagen India, reported 244% jump in sales for the month of May 2011. The company sold a total of 6,185 units of its cars in the country during the month, as compared to 1,796 units sold in the same month last year.

More from DriveSpark