ఐపిల్ ఎడిషన్ 'వెంటో' కారును విడుదల చేసిన ఫోక్స్‌వ్యాగన్

Published: Saturday, April 9, 2011, 10:41 [IST]

క్రికెట్ ప్రపంచ కప్ 2011 సమరం ముగియగానే.. దాదాపు మరో రెండు నెలల పాటు క్రికెట్ అభిమానులను ఉర్రూతలూగించేందుకు ఐపిల్ 20-20 నాలుగో సీజన్ అట్టహాసంగా ప్రారంభమైంది. ఈ నేపథ్యంలో ఇక్కడి అవకాశాలను మార్కెట్ చేసుకునుందేకు ఆటోమొబైల్ కంపెనీలు కొత్త వ్యూహాలను అమలుచేస్తున్నాయి. జర్మనీకు చెందిన ప్రముఖ కార్ల తయారీ సంస్థ ఫోక్స్‌వ్యాగన్ ఐపిఎల్ సీజన్‌ను పురస్కరించుకొని సరికొత్త వెంటో మోడల్‌ కారను ఐపిఎల్ ఎడిషన్ పేరుతో మార్కెట్లోకి విడుదల చేసింది. ఐపిఎల్ లోగోతో డిజైన్ చేసిన ఈ కారును కొనుగోలు చేసిన వారికి క్రికెట్ కిట్‌ని కంపెనీ ఉచితంగా అందిస్తోంది.

ప్రస్తుత ఆర్థిక సంవత్సర ద్వితీయార్థంలో కంపెనీ అందిస్తున్న లగ్జరీ సెడాన్ "జెట్టా"లో కొత్త వేరియంట్‌ను విడుదల చేస్తామని కంపెనీ తెలిపింది. ఫోక్స్‌వ్యాగన్ జెట్టా 2008లో భారత మార్కెట్లోకి ప్రవేశించింది. 2010లో దాదాపు 2,500 జెట్ట కార్లు అమ్ముడయ్యాయి. ఫోక్స్‌వ్యాగన్ ఇటీవల బ్లూ మోషన్ టెక్నాలజీతో కూడిన పస్సాట్ ప్రిమీయం లగ్జరీ సెడాన్‌ను భారత్‌లో విడుదల చేసిన సంగతి తెలిసిందే.

డ్రైవర్ అలసటను గుర్తించి బ్రేక్ వేయమనే వార్నింగ్ సిగ్నల్‌ను ఇచ్చే "అటెన్షన్ అసిస్ట్" వంటి వినూత్న ఫీచర్లు తమ బ్లూ మోషన్ టెక్నాలజీలో ఉన్నాయని, ఈ టెక్నాలజీ పట్ల వినియోగదారుల స్పందనను గమనించిన తర్వాత ఇతర మోడళ్లలో కూడా బ్లూ మోషన్ టెక్నాలజీని ప్రవేశపెడతామని ఫోక్స్‌వ్యాగన్ ప్యాసింజర్ కార్స్ డైరెక్టర్ మరియు బోర్డు సభ్యులు నీరజ్ గార్గ్ వెల్లడించారు. ఈ నెలలోనే పస్సాట్ డెలివరీలను ప్రారంభిస్తామని ఆయన చెప్పారు. ఐపిఎల్ వేరియంట్‌లో విడుదలైన మిడ్-సైజ్ సెడాన్ వెంటో 1.6లీటర్ పెట్రోల్ ఇంజన్‌తో లభిస్తుంది. మార్కెట్లో దీని ధర రూ. 7.24 లక్షలు(ఎక్స్‌షోరూమ్ ఢిల్లీ)గా ఉంది.

Article Published On: Saturday, April 9, 2011, 10:41 [IST]

English summary

German auto major Volkswagen would introduce a new variant of its luxury sedan 'Jetta' in the second half of this year, a top company official said today.

More from DriveSpark