ఏప్రిల్‌ నెలలో 7,000 కార్లను విక్రయించిన ఫోక్స్‌వ్యాగన్

Published: Tuesday, May 3, 2011, 13:56 [IST]

జర్మన్ ఆటో గ్రూప్ ఫోక్స్‌వ్యాగన్ భారత్‌లో భారీ విజయం సాధించడానికి తమ ఫ్లాగ్‌షిప్ మోడళ్లయిన పోలో, వెంటో కార్లే ప్రధాన కారణం. ఈ ఏడాది ఏప్రిల్ నెలలో ఫోక్స్‌వ్యాగన్ కంపెనీ అత్యధిక విక్రయాలను నమోదు చేసుకుంది. ఏప్రిల్ 2011లో కంపెనీ మొత్తం 7,000 కార్లను విక్రయిస్తే అందులో 6,621 పోలో, వెంటో కార్లే ఉండటం విశేషం. గతేడాది ఏప్రిల్ నెలలో కంపెనీ కేవలం 1,489 యూనిట్లను మాత్రమే విక్రయించింది. గతేడాదితో పోలిస్తే ఇది 370 శాతం అధికం. దీన్ని బట్టి భారత మార్కెట్లో ఈ కార్లకు డిమాండు ఏంటో ఇట్టే అర్థమవుతుంది.

అంతేకాకుండా ఫోక్స్‌వ్యాగన్ థింక్‌బ్లూ కాన్సెప్ట్‌తో పర్యవరణాన్ని రక్షిద్దాం అనే సందేశాన్ని పంపుతూ.. బ్లూమోషన్ టెక్నాలజీతో మార్కెట్లోకి విడుదల చేసిన "పస్సాట్" కారుకు కూడా మంచి స్పందన లభించిందని కంపెనీ పేర్కొంది.

ఏప్రిల్ 8 నుంచి విక్రయాలు ప్రారంభమైన పస్సాట్ గత నెలలో 190 కార్లకు పైగా అమ్ముడైంది. విడుదలైన కొద్ది రోజుల్లో ఇంత మంచి స్పందన లభించడం ఆనందంగా ఉందని కంపెనీ తెలిపింది. భవిష్యత్తులో కూడా ఇదే విధమైన వృద్ధిని కొనసాగించగలమని ఫోక్స్‌వ్యాగన్ గ్రూప్ సేల్స్ ఇండియా బోర్డ్ డైరెక్టర్ (ప్యాసింజర్ కార్స్) నీరజ్ గార్గ్ అన్నారు. పోలో, వెంటో విక్రయాలు ప్రోత్సాహకరంగా ఉన్నాయని, ఇండియన్ ప్రిమీయర్ లీగ్‌తో స్పాన్సర్‌గా వ్యవరిస్తుండటంతో తమ బ్రాండ్ ఇమేజ్ మరింత విస్తృతంగా పెరిగిందని ఆయన తెలిపారు.

Article Published On: Tuesday, May 3, 2011, 13:56 [IST]

English summary

European car-maker Volkswagen India today said it has sold 7,000 cars in April 2011, including 6,621 units of Polo and Vento. The all-new Passat that went on sale from April 8 this year, met tremendous response from customers with more than 190 units have already been sold in less than a month, the highest number clocked in by the model till date, the company said in a statement.

More from DriveSpark